أكلات جديدة رح تنغرموا فيها…شو جربنا عند محل The JaJa ببيروت

إذا إنتوا من عشّاق الأكل ببيروت وعم تفتّشوا على شي جديد وطيّب، The JaJa هو العنوان المناسب. هالمحل الصغير والمهضوم بيقدّم ساندويش دجاج… بخبز النان! ومش بس هيك، كمان نزّل منيو جديدة لازم نخبركن شو جربنا وحبينا فيها.

موقعه سهل تلاقوه: عالطريق الرئيسي بالحمرا، مقابل Bana Café، وهو المكان المثالي وقت يجي عبالكن ساندويش دجاج غير شكل.

شو مننصحكن تجربوا من المنيو:

رغم إنو ساندويشات الدجاج موجودة بكل مطرح، The JaJa قدر يتميّز ويقدّم شي غير. المنيو عندن ولا ألذ، وهون شو لازم تجربوا.

فيكن تجرّبوا الدجاج المكسيكي مع مايونيز حرّ وجبنة، أو الدجاج والتوم والكبيس، أو الفاهيتا مع خضرة طازة وأفوكادو، أو الدجاج الصيني مع زنجبيل وصوص صيني لنكهة مختلفة.

وإذا بتحبّوا السودة، عندن سندويشة روعة مع توم، بندورة، ونعناع فريش. وكمان فيكن تركّبوا سندويشتكن ع ذوقكن مع صوصات مميّزة متل البيستو، الكاري، أو الواسابي.

ومش بس هيك! إذا مش جاي عبالكن ساندويش، فيكن تختاروا برغر مع بطاطا مقرمشة وموزاريلا ستكس. متل برغر الدجاج المقلي عندن أو صدر دجاج مقرمشة، ع جنبها wedges بيشهو.

وكيف الأسعار؟

أغلب الساندويشات بين 350 و 500 ألف ل.ل، يعني الأسعار كتير معقولة! وعندن عرض بيجنّن: 2 ساندويش مع بطاطا ومشروب بـ 650 ألف ل.ل.

للمزيد، تابعوا The JaJa ع الإنستغرام!

📍العنوان

شارع الحمرا الرئيسي، مقابل Bana كافيه

📞 للتواصل

الرقم: 002 660 76

⏰ أوقات الدوام

يوميًا من الساعة 12 الضهر حتى 10 بالليل

جربتوا The JaJa ببيروت؟ شوفوا قسم #سندويشات للمزيد من المحتوى متل هيدا!