هيك صارت أسعار تذاكر باصات النقل المشترك بلبنان!

من وقت ما انطلق باصات النقل المشترك بلبنان بالـ2024، صار في نقلة نوعية بالنقل العام. واليوم، مع تعديل الأسعار، صار أكتر من مهم يكون عندكن فكرة واضحة قبل ما تركبوا الباص. بهالدليل رح تلاقوا كل المعلومات اللي بتحتاجوها، من الخطوط المتوفرة و أسعار النقل المشترك الجديدة.

شو هي خطوط باصات النقل المشترك المتوفرة حالياً وكيف أسعار؟

B1: السعر: 100,000 ل.ل.

نهر الموت – مستديرة الدورة – عين المريسة – واجهة الجامعة الأمريكية البحرية – النادي العسكري – اليونيسكو – الكولا – البربير – العدلية – نهر الموت

B2: السعر: 100,000 ل.ل.

نهر الموت – الدورة – إشارة نهر – العدلية – كولا – الأونيسكو – الروشة – النادي العسكري – واجهة الجامعة الأمريكية البحرية – فندق الفور سيزون – مستديرة الدورة – نهر الموت

B3: السعر: 100,000 ل.ل.

أنطلياس – جل الديب – زلقا – نهر الموت – الجديدة – مار يوسف – الدكوانة – الكرنتينا – مار مخايل – عكاوي – ساحة ساسين – بشارة الخوري – البسطا – مار إلياس – مجلس الدروز – بريستول

B3: السعر: 100,000 ل.ل.

إيتوال – مجلس الدروز – نزلة الحص – مار إلياس –– البسطة التحتا – بشارة الخوري – ساحة ساسين – وزارة الخارجية – عكاوي – مار مخايل – مدخل النهر – مستديرة الدورة – مار يوسف – الجديدة – نهر الموت – زلقا – جل الديب – أنطلياس

B4: السعر: 70,000 ل.ل.

ساحة الشهداء – أسواق بيروت – الحمرا – الصنائع – بشارة الخوري – قصقص – الطيونة – كنيسة مار مخايل – المشرفية – الليلكي – الجامعة اللبنانية

B5: السعر: 100,000 ل.ل.

نهر الموت – جديدة – إشارة الإتحاد – جسر الأشرفية – ساسين – سوديكو – البسطة – مجلس الدروز – كونكورد – نهر الموت

B6: السعر: 200,000 ل.ل.

ساحة الشهداء – أسواق بيروت – الكولا – أوزاعي – خلدة – الدامور – ساحة الشهداء

B7: السعر: 100,000 ل.ل.

محطة مار مخايل – تقاطع إشارة النهر – العدلية – الجامعة اللبنانية الحدث – طريق صيدا القديمة – خلدة – محطة مار مخايل

ML1: السعر: 200,000 ل.ل.

العدلية – الحازمية – كحالة – عاليه – بحمدون – صوفر – شتورة

ML2: السعر: 200,000 ل.ل.

خلدة – الدامور – الجيّة – جدرا – صيدا – الغازية – صور

ML3: السعر: 100,000 ل.ل.

الدورة – برج حمود – النبع – سالومي – حابتور – شيفروليه – غاليري سمعان – الحدث – جامعة الأنطونية – مستشفى بعبدا

ML4: السعر: 150,000 ل.ل.

الكولا – بربير – المتحف الوطني – نهر الموت – أنطلياس – جونية – جبيل – البترون – شكا – طرابلس

ما تنسوا إنو ممكن السعر يتغير حسب وين بتوقفوا الباص، خاصة بالخطوط يلي بتاخدكن ع الشمال أو ع الجنوب بسبب فرق المسافة. فينا نقول إنو الأسعار زادت حوالي 30،000 ل.ل، وهي بعدها معقولة ورخيصة مقارنة بالنقل الخاص.

شو أوقات العمل ؟

الباصات بتشتغل كل يوم من 6 الصبح لـ 7 المسا. فيكن تتعرفوا ع التطبيق تبعن هون، بيساعدكن تلاقوا الخط المناسب إلكن وبتقدروا تابعوا حركة الباصات لحظة بلحظة. 

لتعرفوا أكتر، اكبسوا مقالنا هون: كل شي لازم تعرفوا عن باصات النقل المشترك بلبنان: الخطوط، التكلفة، الدوام.