بيرلا حرب توّجت ملكة جمال لبنان 2025

تُوّجت بيرلا حرب ملكة جمال لبنان لسنة 2025 اليوم، لتستلم محل الملكة السابقة ندى كوسا، باحتفال كبير حضره جمهور واسع وعدد من الشخصيات الفنية والإعلامية، وقدمته ملكة الشاشة هيلدا خليفة. الأجواء كانت مليانة فرح وحماس، والكل كان متشوق يعرف مين رح تمثل لبنان على الساحة الدولية خلال السنة الجاية.

بهاللقب، بيرلا الملكة الجديدة رح تمثل لبنان بمسابقات عالمية، وتشارك بعدد من النشاطات الاجتماعية والثقافية بلبنان.

بيرلا عمرها 22 سنة هي خريجة علوم مصرفية ومالية بجامعة LAU، وجاية من المعمرية جنوب لبنان. هالموهبة الشابة مش بس حلوة، بس كمان طموحة وذكية. ع المسرح، ظهرت بثقة كبيرة وأبدعت بعرضها الشخصي، يلي جمع بين الأناقة والذكاء والطاقة الإيجابية، وخطفت قلب لجنة التحكيم والجمهور.

من بين 16 مشتركة، قدرت بيرلا تبرز حالها، مش بس بجمالها الطبيعي، بس بحضورها الاستثنائي وأجوبتها الذكية. والابتسامة ما نزلت من وجهها لحظة الإعلان عن انتخابها الملكة.

مبروك للملكة بيرلا حرب على لقب ملكة جمال لبنان 2025! عنا ثقة إنها رح تمثل لبنان بأحلى صورة، وتنشر رسالة الجمال، الثقافة والطموح لكل الشباب اللبناني.

Main image: LBCI

حبيتوا هالمقال؟ شوفوا هون:

سعد الدين حنينة ملك جمال لبنان 2025…تعرفوا عليه!