سطيحة البيت صارت محل برغر وبأحلى الأسعار، شوفوا هون!

منحب دايمًا نكتشف مطاعم محلية بفكرة مهضومة، و True Burger بكاسليك حدّ الـ USEK هو واحد من هالمحلات اللي عنجد رح يلفتكن إذا عبالكن برغر مش عادي.

مطعم برغر ع السطيحة!

القصة بلشت مع اتنين رفقة عندن شغف بالبرغر، قرروا يحوّلوا سطيحة بيتن لمطعم صغير، وطلعت النتيجة قعدة بتشبه البيت وضيافة مميزة. اليوم صار هالمطعم نقطة جمع للأصحاب، بيقدملكن برغر معمول بشطارة وبأسعار كتير مقبولة بتبلّش من 6$ ومعاها بطاطا ع الجنب.

منيو بتشهي!

المنيو فيه كل شي بتشتهوه: من البرغر الكلاسيكي، للترافل الفخم، للبايكن ولحم الأنغوس بنكهات أغنى وأقوى، وحتى المشروم برغر الكريمي والطيب. كل كدشة أطيب من التانية وكل برغر معمول من القلب.

بس الصراحة، هون الأكل مش كل شي. الجو عندن بيخليكن تحسن حالكن قاعدين ع سطيحة مع أصحابكن، عم تضحكوا وعم تاكل أطيب برغر بجوّ كله عفوية وبساطة.

إذا إنت طالب جامعة أو حتى مارق بكاسليك، ما فيك ما توقف وتجرب True Burger. أكل معمول بشغف، ناس بيستقبلوكن كأنكن ببيتكن، وتجربة صعب تلاقوا متلها.

العنوان:

الكاسليك، حدّ الـUSEK. اكبسوا هون للموقع بالزبط. 

الدوام:

من الاتنين للسبت، من 12 الضهر ل 11 بالليل

للتواصل:

الرقم: 151 576 81

تابعوا حسابن ع انستغرام هون للمزيد.