تعرفوا ع “إم البسينات”…السيدة ورا ملجأ القطط الوحيد بالضاحية

عم تدوروا على مبادرة إنسانية تدعموها؟ تعرّفوا على ديانا، السيدة اللبنانية المعروفة بـ”أم البسينات” بالضاحية الجنوبية لبيروت. ديانا بتدير ملجأ القطط الوحيد بقلب الضاحية، وعم تهتم بالقطط المشردة من وقت جائحة كورونا، وزاد اهتمامها خلال الحرب على لبنان.

من زمان وديانا معروفة بالمنطقة بعطفها الكبير وإهتمامها بالحيوانات. كل بسة عندها بتعاملها كأنو إلها، بتطعميها، بتنضفها، وبتعطيها دوا لما تكون مريضة.

حتى بعد ما حدا يتبنى وحدة من القطط يلي عندها، بتضل تتابع مع العيلة الجديدة لتتأكد إنها مرتاحة وكل شي تمام. هيدا تعليق من التعليقات تحت البوست عن ديانا:

إذا مرقتوا عند ملجأ القطط لديانا بقلب الضاحية، فيكن تشتروا أغراض لبسينتكن، زريعة حلوة، تتبنّوا بسّة إلكن، أو تدعموها بمبادرتها.

يلي بحبوا يتبرعوا فيهن يتواصلوا مع الملجأ على الرقم 516 887 81. فيكن كمان تبعتوا رسالة لحساب Humans of Dahieh على إنستغرام. بتلاقوا الملجأ تحديداً بالحدث، سان تيريز جنب كافيه نوستالجيا.