رجع السوق يلي كلكن بتحبوه…ما تفوتوا سوق اللقطة هالويك-اند!

شو ناطركن هالويك-اند ببيروت؟ سوق اللقطة هو أكتر من سوق، هو تجربة حلوة لكل حدا بيحب الأشيا اللي إلها روح وقصة، خلونا نخبركن شو عاملين بسوق الطيب!

Main image by Nader Nabil on google maps.

بهالشهر، السوق راجع ع سوق الطيب بمار مخايل بنسخة جديدة يوم السبت 11 تشرين الأول من الساعة 5 الضهر لـ10 عشية، ويوم الأحد 12 تشرين الأول من الـ12 الضهر لـ8 المسا، بتعاون مع Reloved Beyrouth و Afkart Pop Up.

رح تلاقوا عالم غني بالكنوز القديمة والقطع الحرفية اللي بتحكي عن تاريخ وأماكن وناس. من تياب وأكسسوارات مستعملة بحالة ممتازة، لقطع ديكور فريدة وتصاميم لبنانية بأسعار حلوة ومخفّضة من مصممين محلّيين.

كل زاوية بالسوق فيها شي بيشدّ، كأنكن طلعتوا ع تتخيتة بقلب بيت قديم مليانة قصص، ذكريات، وتحف ناطرها حدا يكتشفها من جديد.

وما بين ريحة القصص العتيقة وصوت الموسيقى يلي رح ترافق الأجواء، فيكن كمان تستمتعوا بتجربة تذوّق نبيذ من Domaine Des Tourelles، أجدد إضافة لمشروع سوق الطيب. 

إذا بتحبوا القطع اللي فيها طابع قديم، أو إذا بتحبوا تكتشفوا شغلات نادرة بأسعار حلوة، ما تفوّتوا سوق اللقطة. تعوا عيشوا تجربة استثنائية بتجمع الماضي بالحاضر، كلّو مع جو لبناني رح تحبوه.

حبيتوا هالمقال؟ شوفوا كمان:

الخريف بلبنان غير…18 مهرجان خلال تشرين الأول 2025