برغر زهر للتوعية بسرطان الثدي…مبادرة من مطعم Fries Lab

بمناسبة شهر التوعية بسرطان الثدي، نزل مطعم البرغر المحبوب Fries Lab برغر زهر جديد باسم Think Pink. كل الأرباح من هيدا البرغر رح تروح لجمعيات Barbara Nassar Association وTalia Charity، لدعم البرامج الخاصة بالنساء يلي متأثرين بسرطان الثدي بلبنان.

الـ Think Pink Burger معمول من خبز زهري اللون. بيجي فيها دجاج مشوي، قطعة موزاريلا، خس، كبيس، بندورة، ومايونيز بجبنة بارميزان مع صوص هوني مسترد.

صاحب المحل أحمد وهبي حكي بفيديو مؤخراً إنو قرّر يكرّم شهر التوعية بسرطان الثدي بـ Fries Lab بعد ما تمّ تشخيص أمه بالمرض أول السنة، ونحنا منتمنى الشفاء والعافية لإمو لأحمد ولكل مرأة قوية عم تمرق بهيدا الشي.

يعني هيدا مش بس برغر جديد ع المنيو، هي طريقة ليجتمع فيها الكل ويدعموا قضية لمست ناس بيحبّن أحمد وكتار غيرن.

البرغر لفترة محدودة بس، وسعره 9$. كل الأرباح رح تروح مباشرة لجمعيات بربارة نصار وتاليا الخيرية.

🔍 كيف تعملوا فحص ذاتي بهيدا الشهر (وكل شهر!)

بما إنو سرطان الثدي هو الأكتر انتشاراً بين النساء حول العالم، مهم نزيد الوعي عن الكشف المبكر والفحص الذاتي المنتظم.
الفحص الشهري الذاتي وزيارة الطبيب للفحوصات الدورية بيساعدوا بالكشف المبكر وبيزيدوا فرص الشفاء.

هون فيكن تلاقوا دليل عن كيفية الفحص الذاتي اللي شاركته مؤسسة لبنان لمكافحة سرطان الثدي بالـ 2021:

إذا لقيتوا هالمحتوى مفيد، تأكدوا من تشيكوا من قسم التوعية #Awareness على موقعنا.

إذا حابين تجرّبوا البرغر الجديد وتدعموا قضية مهمة، روحوا ع Fries Lab بحارة حريك! اكبسوا هون لتعرفوا العنوان بالزبط. بيفتح كل يوم من 12 الضهر حتى 12 بالليل.