الوصيفة الأولى سارة بو جودة تمثّل لبنان بملكة جمال الكون 2025

من بيروت للعالم…الوصيفة الأولى السابقة سارة-لينا بو جودة رح تمثّل لبنان بمسابقة ملكة جمال الكون “The 74th Miss Universe Competition” يلي رح تنعمل بتايلاند ب 21 تشرين الثاني 2025. 

سارة رح تنافس بنات من مختلف أنحاء العالم على اللقب، وتوصّل رسالة لبنان للعالم كله.

هي بلشت رحلتها كـ الوصيفة الأولى بمسابقة ملكة جمال لبنان 2024. خلال هالفترة أثبتت إنها مش بس بنت حلوة، كمان ذكية وواثقة بحالها وعندها حضورها الخاص. 

اليوم، سارة-لينا جاهزة تمثّل لبنان بحفل ملكة جمال الكون 2025 وتبرز ثقافة وجمال بلدنا بأحلى وأرقى صورة. هي مثال لكل شابة لبنانية عندها طموح وحابة تترك بصمة عالمية.

لبنان عنده تاريخ طويل بمسابقة Miss Universe، من أول مشاركة سنة 1952، ولحظة الفوز الأسطورية سنة 1971 مع جورجينا رزق كأول امرأة عربية ولبنانية بتربح لقب ملكة جمال الكون.

منتمنى كل التوفيق للوصيفة سارة-لينا وعنا ثقة إنها رح تكتب فصل جديد بتاريخ لبنان بالجمال!

شوفوا كمان:

غلط بمسابقة ملكة جمال لبنان 2024، مشتركة سابقة تكشف!