سوق ع الإنترنت للتياب المستعملة، تعرفوا ع هيدا التطبيق!

لكلّ حدا بيحبّ الأغراض المستعملة والـvintage، تطبيق Depop كان دايمًا الحلم. هالتطبيق العالمي ساعد الناس يلاقوا قطع مميّزة، وحتى يفتحوا مشاريعن الصغيرة عليه. بس بلبنان؟ ما كان في مطرح بيجمع كل هالشي — لحدّ هلّق! مع Balaio، صار في أوّل تطبيق خاص بتسوق الأغراض والتياب المستعملة بلبنان.

بدل ما تبرموا بين صفحات إنستغرام وفيسبوك، Balaio سهّلها عليكن وجمّع كل تجربة الـthrifting بمكان واحد. فيكن تتصفّحوا التياب، تشتروا القطع دغري، أو حتى تفتحوا محل بالة خاص فيكن عالتطبيق.

والأحلى؟ التوصيل بيصير عبر Aramex، يعني البياعين ما عندن ولا همّ، لا شحن ولا مواعيد تسليم. التطبيق بيتكفّل بكل التفاصيل.

بس Balaio مش بس سوق إلكتروني، هو كمان مجتمع لكل عشّاق التياب المستعملة: موضة بتشبهن، مستدامة، وخفيفة ع الجيبة.

التطبيق هلق عم يتحضّر لإطلاقو الرسمي، بس فيكن تجرّبوا النسخة التجريبية وتسجّلوا ع لائحة الانتظار لتاخدوا early access. ولكل محبّي الـthrifting بلبنان، يمكن Balaio يكون البديل اللبناني اللي كلكن ناطرينو لـDepop.

ناطرين تشوفوا شو محضّرلنا؟ تابعوا صفحتن على إنستغرام حتى ما يروح عليكن شي! وإذا حابّين تكتشفوا تطبيقات لبنانية تانية مفيدة، اكبسوا هون.