ديكور خيالي ومطعم ع السطح…اكتشفوا أوتيل جديد بالصيفي

بوتيك أوتيل جديد رح يفتح قريباً بالصيفي! ميزون دادا Maison Dada بيتميّز بشقق مصممة بشكل راقي ومطعم ع السطوح، ورح يكون إضافة حيوية ومميزة للمدينة.

مصمّم من قبل الإخوان ماريو ومارك دادا، هالأوتيل أخد اسمو مش بس من المؤسسين، كمان من حركة الفن الثورية الدادية. الديكور جواتها فيه لمسات خفية من الدادية، الثورة الفنية بعد الحرب العالمية الأولى اللي تحدّت القواعد التقليدية للجمال.

بحسب AD Middle East، هالفندق الجديد قاعد بقلب مبنى عمره 90 سنة، اتعمر بـ 1935 وقت الانتداب الفرنسي. الأخوان ماريو ومارك قرروا يحولوا هالبناية لبوتيك أوتيل بيمزج بين التاريخ والتصميم الحديث.

ميزون دادا واقف بين ماضي بيروت وحاضرها، من اللمسات الأنيقة للعمارة بعصر الانتداب الفرنسي للمحات العصرية اللي بتعكس جماليات المدينة اليوم.

فيه 3 شقق واسعة، وكل وحدة إلها جوّها وديكورها الخاص. بتلاحظوا بصمات من الحرفية المحلية والتصميم المدروس بكل زاوية. أغلب الديكور ناعم ومدوّر، مش بس ليزيد الجمال، كمان ليخلي المكان آمن للولاد.

كيف الأسعار؟

Maison Dada بعد ما فتح، يعني ما في لائحة أسعار رسمية للغرف المتوفرة، بس بحسب رودبوك، بتكلف 250 دولار بالليلة. لتضلوا مطلعين على كل جديد، فيكن تشوفوا موقعن هون!

تأكدوا تابعوهن على إنستغرام للمزيد من المعلومات.

صورة الغلاف من وليد رشيد لـ AD Middle East.

خبرونا، حابين تشوفوا المزيد من هيك محلات بقلب بيروت؟