9 أماكن مخفية لازم تجربوها ببيروت

سواء كانت جواهر مخباية أو مطارح بتمرّقوا جنبها كل يوم وما بتنتبهولها، هيدا الدليل بياخدكن ع أماكن مخفية ومش كتير معروفة لازم تجربوها بقلب بيروت.

1. Bana Café، الحمرا

جوهرة كتار ما بينتبهولها بقلب الحمرا، Bana Café بيتميز بأسلوبه الفريد بتقديم الأكل اللبناني التقليدي.  هالمحل بيثبت إنو الأطباق اللبنانية يلي منحبها ممكن تكون أطيب وأدفى كمان.

بطاطا حرة مقرمشة، حمص مزين ببزر القرع ليعطي قرمشة زايدة، وأطباق راس عصفور بالتتبيلة الخاصة فيهن مع البيستو — كل طبق مليان إبداع بالنكهة والتقديم!

وأحلى شي إنو بيقدّموا أكلن بالفخار، الشي اللي بخلي كل طبق أطيب. مننصحكن تزوروا هيدا المحل لما تكونوا عبالكن أطباق دسمة، أو لما تكونوا مخططين لضهرة مع رفقات الطفولة. الجو بـBana بخليه مثالي للغدا مع الناس اللي بتحبوها.

ما تنسوا تتابعوهن على إنستغرام هون لمزيد من المعلومات. بيفتح يومياً من 7:30 الصبح لحد 10 المسا.

2. Meats & Bread، مار مخايل

واحد من أقدم و أكتر محلات البرغر المحبوبة ببيروت. إذا كنتوا عم تشتهوا برغر دسم أو جوانح مميزة بمار مخايل، هيدا هو المحل. جودة عالية مع لمسة فريدة، Meats & Bread بيقدم الأكلات اللي منحبها بطريقته الخاصة.

مثالي لما يكون عبالكن شي طيب ودسم، سواء مع الأصحاب أو لحالكن.

ما تنسوا تابعوهن على إنستغرام للمزيد! بيفتحوا كل يوم من 12 الضهر حتى 11:30 بالليل (ما عدا الأحد).

3. SLOT، الجميزة

SLOT عبارة عن بار ومطعم بيحوّل تعب آخر النهار لسهرة ممتعة. أطباق طيبة، كوكتيلات منعشة، وموسيقى حلوة بتخلي الجو ممتع ومريح.

المكان رايق، يعني فيكن بسهولة تستمتعوا بسهرة عفوية مع رفقاتكن. بيفتح من 12 الضهر حتى 12 بالليل من الاثنين للخميس، ولحد 1 نص ليل بالويك-إند.

4. The Attic Bar، بدارو

بقلب بدارو، The Attic Bar بيحسسكن كأنكن بمحل كوزي ومخبى. ديكور عشوائي، أضوية خافتة، وشوية غموض. سحره بالديكور القديم، الجو المريح، والكوكتيلات الطيبة.

سواء عم تسهروا مع رفقاتكن أو ترتاحوا بعد نهار طويل، هو المكان يلي بيحوّل أي ليلة لسهرة ممتعة. بيفتح كل يوم من 5 بعد الضهر ل 1 بالليل، ولحد 2 بالليل الجمعة والسبت.

5. Sushi Bell، الحمرا

Sushi Bell ما بخيّب أملكن أبداً بالسوشي الطازة والطيب. عنا مقال كامل عن شو لازم تطلبوا إذا هاي أول مرة وما بتعرفوا من وين تبلشوا. اكبسوا هون لتشوفوا المقال!

إذا كنتوا بتحبوا السوشي ع القد، رح يعجبكن هالمحل. ولأنو ما كتير عجقة، فيكن تستمتعوا بغدا أو عشا هادي مع رفقاتكن. بيفتح كل يوم من 12:30 الضهر حتى 11 بالليل.

6. Cluckerie، الأشرفية

Cluckerie محل مهضوم بالأشرفية، بيقدّم أشهى أطباق الدجاج المدخن. من ساندويشات لذيذة لأطباق دسمة وسلطات طازة، كل وجبة فيها نكهة مدخنة ومميزة. الجو العفوي والديكور الغريب بيخلي المكان مثالي للغدا مع الرفقة، لقمة سريعة، أو عشا هادي مليان نكهة .

بيفتح كل يوم من 12 الضهر حتى 12 بالليل.

7. Shrimp Bucket، الروشة

إذا كنتوا من محبي القريدس المشوي أو الأكل البحري الغني بالصوص، هيدا المكان إلكن. مطعم مأكولات بحرية بأسعار حلوة، بيقدم وجبات محرزة من القريدس، الكاليماري، الكراب، بلح البحر، وغيرو، خاصةً إذا بتحبوا تعجقوها بالأكل.

مثالي لغدا مع رفقاتكن، عشاء عائلي خفيف، أو أكل بحري طيب. تابعوهن على إنستغرام للمزيد.

8.أباجور، العدلية

لما تروحوا ع أباجور، بتحسوا حالكن بقلب بيت بيروتي قديم أكتر ما إنو مطعم، بيفتح ع جنينة رايقة عندها سحرها الخاص.

رح تلاقوا الأكلات اللبنانية التقليدية يلي بتونّسكن إنتو وعم تحضروا عروض لايف. بيفتح كل يوم من الساعة 8 المسا ل 1 بعد نص الليل.

9. أغورا، الأشرفية

من قلب الأشرفية، أغورا هو بيت لبناني قديم تحوّل لكافيه ومطعم مع جنينة شجر. بديكور عتيق وقناطر عالية وجو هادي، هالمحل بيلبق لعشا هادي أو كاس تحت النجوم.

المنيو بتجمع بين الكلاسيكيات اللبنانية والأكلات العالمية. بيفتح يومياً من الساعة 10 الصبح لحد 12 نص الليل.