بدكن تربحوا 100$؟ خلّصوا أكبر برغر بلبنان!

جاهزين لتحدّي Rod’s Burger؟ محل البرغر المحبوب رجّعوا التحدّي اللي عمل ضجّة من أكتر من 10 سنين: تحدّي Hercules Burger، وبدّكن تكونوا عنجد قدها لتربحوا!

تحدي أكبر برغر بلبنان…

الفكرة بسيطة بس مش لأي حدا… إذا قدرتوا تاكلوا أكبر برغر بلبنان لحالكن وبأقل من 30 دقيقة، بتربحوا 100 دولار كاش.

برغر Hercules مش برغر عادي، هو وجبة دسمة كتير بحجم كبير: كيلو ونص لحمة برغر معمولة ع طريقة Rod’s الخاصة، بقلب خبزة 30 سم.

وفوق هالكمية المجنونة من اللحمة، فيكن تختاروا من بين 40 نوع برغر لحمة مختلف ليتحضّر برغر Hercules على ذوقكن. من الـ Swiss Mushroom لترافل برغر، أو الكلاسيكيات متل تشيز برغر أو باربكيو، Mexican Cajun، أو حتى الـ Relisha المشهورة بصوص الكاجون والبصل والجبنة.

لتتخيلوا الحجم، البرغر العادية عند Rod’s فيها 150غ لحمة… يعني Hercules قد 10 منها.

سعرها 60$، بس إذا قدرتوا تخلصوها بوقت قياسي، بيرجعولكن الـ 60$ وبتاخدوا فوقن الجايزة 100$. وع فكرة هيدا التحدي ربحانو شخص واحد بس!

مطعم البرغر المفضل عند كتار من زمان!

Rod’s Burger مش بحاجة لتعريف. هو الاسم اللي كان معروف من أيامه بالجميزة قبل ما يسكر بعد انفجار 4 آب، وهلّق رجع بقوّة بـ Terminal ضبية. المحل كان دايمًا مميّز بخيالاته الغريبة وأكبر برغر بالبلد (تخايلوا وصلت ل 75 سم وفيها 14 كيلو لحمة).

واليوم، مع التحدّي الأسطوري راجعين يذكّروا الناس ليه اسمهن بعده علقان بالذاكرة. روحوا جرّبوا حظّكن بتحدي Hercules Burger… يمكن تكونوا الشخص التاني بتاريخ Rod’s يلي بيربحه.

📍 العنوان

Terminal ضبية.

لتعرفوا الموقع بالزبط، إكبسوا هون.

⏰ الدوام

من الاثنين للسبت من الساعة 12 الضهر لحد الساعة 12 نص ليل

📞 للتواصل

الرقم: 864 203 03

ما تنسوا تابعوهن ع انستغرام هون.

شوفوا كمان:

خلّص بيتزا كبيرة واربح 10,000$ كاش…تحدي البيتزا المجنون ببيروت!