من الشعر للمكياج، أفضل خدمات الجمال فيكن تحجزوها بلبنان

من العناية بالشعر والبشرة، للمسّاج، وحتى اليوغا… كل خدمات الجمال بلبنان يلي بتدللك وبتريّح بالك، جمعنالك ياهن بهيدا الدليل. حضّري حالِك ليوم كامل من الراحة، الجمال، والطاقة الحلوة!

1. موديل شعر مميز عند الصالون الأول للشعر الكيرلي: Curly Square

عبالك تدلّلي حالِك بموديل بيلبق لشعرك الكيرلي؟ أو حابة تجربة تصفيف ناعمة ومن دون حرارة؟ من أوّل ما تفوتي ع صالون Curly Square بالجديدة، بتحسّي إنّك أخيرًا بمطرح بيفهم شعرك عنجد.

فريق مدرّب من أكاديمية Rëzo بيقدملك قصات وعلاجات بتناسب نوع شعرك وخاصةً الكيرلي، وبيركّزوا على إبراز الجمال الطبيعي للشعر المجعّد بدون ما يعرّضوه لأي ضرر أو حرارة. النتيجة؟ لوك ناعم، طبيعي، وبيعكس شخصيّتك.

والأجمل؟ الرفوف مليانة براندات عالمية معروفة ومخصّصة للشعر الكيرلي، من Olaplex لـ Cantu، وكل منتج مختار بعناية ليلبّي احتياجاتك.

باختصار، Curly Square مش بس صالون… هو مساحة بتدلّلك، بتفهمك، وبتخلي شعرك كلو جمال وثقة. فيكي تتابعي على إنستغرام هون. ولتحجزي موعد، اكبسي هون.

الرقم: 518 585 81

2. العلاج الصيني للشعر عند حور بالطيونة

هالتجربة عند بـ Hoore Beauty Clinic مش متل أي مساج عادي للشعر! هي تجربة جديدة وثورية مستوحاة من تقنيات المساج الهندي الأيورفيدي القديمة.

هالعلاج المعروف بـ Chinese Hair Therapy بيدمج تغذية الشعر مع تنشيط فروة الرأس، والتنضيف العميق بتقنيات مميّزة، ليخلق تجربة استرخاء متكاملة.

الرقم: 513 635 81

3. الحمام المغربي عند دار مراكش بالأشرفية

من الصابون المغربي للبخار الدافي، والليفة يلي بتشيل الجلد الميّت، لخلطة السكراب المغربي يلي بتنعّم البشرة وتخليها تتنفس من جديد… هالحمام المغربي مش بس عناية بالجسم، هو راحة وتجديد من جوا وبرا.

بينضف البشرة، بيشيل السموم، وبينشّط الدورة الدموية، وبيخلّي الجلد ناعم متل الحرير. وبعدها فيك تختمي تجربتك بمساج لراحة تامّة.

الرقم: 658 866 81

4. جلسة عناية بالبشرة والوجه عند Helwé بالأشرفية وأنطلياس

الـ Helwé Signature Facial هو علاج طبيعي لتجديد البشرة، بيستخدم مستحضرات Helwé الخالية من المواد المضرّة، وبيعتمد على تقنيات مساج قديمة متل Kobbido وGua Sha.

بيساعد على تنشيط الدورة الدموية، تخفيف الخطوط والانتفاخ، شدّ البشرة وترطيبها بعمق، ليعطي الوجه إشراقة ومظهر مشدود وشبابي أكتر. والحلو إنو هيدي الماركة لبنانية ومحلية! للحجز، اكبسوا هون.

الرقم: 056 868 81 – 766 384 03

5. مساج Maderotherapy ع طريقة G Spa بالأشرفية

مساج طبيعي بيستخدم أدوات خشبية مخصّصة لكل جزء من الجسم، ليشدّ، ينعّم، وتترك شكل حلو.

هالتقنية بتنشّط الدورة الدموية، بتخفّف السيلوليت، وبتساعد بتصريف السوائل الزايدة، لتخليكي تحسي بخفّة واسترخاء. كل حركة معمولة بإتقان على إيد خبراء G SPA لتمنحِك جسم أنعم ومشدود أكتر.

الرقم: 057 111 81

6. جلسة تحليل ألوان وستايل مع Lady Style Coach بالجناح

حابّة تكتشفي شو القصّات والستايلات اللي بتناسب شكل جسمِك، وأي ألوان بتنور وجهِك وبتبرز ملامحِك؟ وكمان أي ماكياج وعطور بتليق فيك أكتر؟ ما إلك إلا تحجزي الجلسة الخاصة مع Lady Style Coach، خبيرة تحليل الألوان بلبنان.

بهالجلسة، بتتعرفي على مفهوم Color Analysis، وهي طريقة بتحدّد الألوان الأنسب لبشرتِك وشعرك وعينيك، لتقدري تختاري ملابسك ومكياجك بثقة وتبرزي جمالك بكل بساطة. فيكي تحجزي جلسة لايف أو أونلاين.

الرقم: 061 710 71

7. تجربة مساج الشمع الدافي عند بيروت سبا بالأشرفية

تجربة مساج الشمع الدافي هي لحظة استرخاء ما بتشبه غيرها. بهالنوع من المساج، بيستخدم شمع خاص مصنوع من مكونات طبيعية متل الزيوت العطرية والزبدة الطبيعية، وبيتسخن ليتحوّل لزيت دافي بينسكب بلطافة عالجلد.

هالمساج بيغذّي البشرة، بيرخي العضلات، وبيمنح إحساس دافي ومريح بيدوّب كل التوتر. للحجز، اكبسوا هون.

الرقم: 581 188 81

8. تجربة تسوق من أفضل ماركات المكياج والعناية بالبشرة الكورية عند Hbytala بكليمنصو أو الماركات العالمية عند Sbrands بالحازمية

دللي حالِك بيوم تسوّق مميّز واكتشفي أفضل ماركات المكياج والعناية بالبشرة. من البراندات الكورية الشهيرة عند Hbytala للبراندات العالمية يلي بسيفورا عند SBrands.

التجربة أكتر من تسوق، هي طريقة تهتمي بحالك، تغيّري جو، وتسترجعي ثقتِك وجمالك بأسلوبك الخاص.

9. جلسة يوغا عند The Space ببرمانا

اليوغا بتجمّلك من جوّا لبرا. بتخفّف التوتر، بترخي الجسم، بتحسّن الدورة الدموية، وهيدا كلو بيأثر ع بشرتِك ونضارتِك.

بـ The Space Brummana، الجمال بيتحوّل لتجربة متكاملة، راحة، توازن، وطاقة إيجابية بتنعكس على ملامحك. مجرد ما ترتاحي، بتصيري تشوفي حالِك أنعم، أهدى، وأجمل.

الرقم: 347 152 03

أي خدمة من خدمات الجمال بلبنان رح تجربوها؟