بتتذكّروا الفان المشهور ببيروت؟ صار اليوم سوق!

أكيد شفتوا فان Hezzik Mezzik عم يلفّ بشوارع بيروت، الفان الملوّن يلي بيبيع فواكه وخضرة طازة وبيشغّل موسيقى بصوت عالي.

وأخيراً، لاقى الفان المشهور محلّه الخاص، وصار سوق فيه منتجات طازة، أغراض صديقة للبيئة، وجوّ حلو.

القصة ورا Hezzik Mezzik

بلّش المشروع كفان متنقّل بيبيع خضرة وفواكه، وبيبرم بشوارع بيروت ليكون قريب من الكل.

فيرونيكا نمر أطلقت المشروع بهدف تكرّم الثقافة اللبنانية، وتبيع منتجات صديقة للطبيعة، وتنشر أسلوب حياة واعي ومسؤول.

اليوم بمحلو الجديد، بتلاقوا بذور محلية، زريعة ونباتات، مونة بلدية معمولة ع الإيد، شموع ومعالق وإكسسوارات يدوية، وغيرا كتير أغراض لبنانية مميّزة. كلّها مختارة بعناية لتحتفل بالإبداع اللبناني وبالحياة المستدامة.

تجربة بتجمع بين أيام زمان والتجديد، الناس بعدا بتتذكّر الفان يلي كان يمرّق بالشوارع، وهلّق فيهن يفوتوا ع مساحة كاملة بتحسسكن كإنوا مركز تجاري صغير للمجتمع.

الأجواء ملوّنة، دافية، ومليانة حياة. متل الفان يلي كلّنا منعرفه ومنحبّه.

📍العنوان  

الأشرفية، جنب مستشفى سان جورج

إكبسوا على هالرابط لتشوفوا الموقع بالزبط.

⏰ الدوام

من الاثنين للسبت من الساعة 8 الصبح حتى 6 المسا

📞 للتواصل

الرقم: 158 810 70

شوفوا كمان:

محبي كوريا، هيدا أول سوبرماركت كوري بلبنان!