محبي القهوة، 10 كافيهات مميزة بقلب الضاحية

إذا مفكّرين إنو الضاحية ما فيها إلا مطاعم وسناكات طيبة… فحضّروا حالكن! محبي القهوة، جمّعنالكن 10 كافيهات مميزة ولطيفة بقلب الضاحية، أماكن بتنغرموا فيها من أوّل فنجان قهوة وبتخليكن ترجعوا مرّة ومرتين. يلا نبلّش جولتنا!

1. Hush Coffeeshop، صفير

كافيه فاتح جديد بالضاحية، رح تعجبكن قهوتو الغنية وحلوياته الشهية ومخبوزاته الطازة. محل مثالي لجمعة رفقة، خاصةً إنّو القعدة واسعة والديكور رايق لتدردشوا ع فنجان قهوتكن، تدرسوا، أو تشتغلوا ع رواق.

الرقم: 570 077 79

اكبسوا هون لتعرفوا العنوان بالزبط وين. 

2. Stories، بير الحسن

هالكافيه المحبوب صار من الأشهر بلبنان من ورا قهوته الطيبة والفرويو يلي بيعملوه مع ألذ الإضافات. عندن فروع بكتير مناطق بلبنان، و أكيد لازم تجربوا فرعن بالضاحية!

اكبسوا هون لتعرفوا العنوان بالزبط وين. 

3. Drip the Coffee، صفير

إذا عبالكن تخلصوا شغلن ع رواق، هيدا الكافيه هو وجهتكن بالضاحية. محل فتح جديد بيقدم قهوة غنية وطيبة. جربوا الكابتشينو مع كيك العسل يلي بيعملوها كتير رح تنبسطوا فيها.

اكبسوا هون لتعرفوا العنوان بالزبط وين. 

4. Sweets Heaven، الغبيري

من ألطف المحلات يلي ممكن تزوروها بالضاحية! مخبز للحلويات وكافيه بنفس الوقت، مع ديكور ناعم وقعدة واسعة. كل الحلو معمول من تحت إيدان صاحبة المحل، مننصحكن تجربوا لاتيه الشوكولا مع تارت التوت، وحتى تجربوا وحدة من ورشات تزيين الكيك يلي هي بتعملن!

الرقم: 345 385 76

اكبسوا هون لتعرفوا العنوان بالزبط وين. 

5. U Cafe Gathering، برج البراجنة

محل كتير رح تحبوا تاخدوا بريك من الشغل فيه، تقعدوا مع رفقاتكن، أو تقروا شي كتاب ع رواق. امرقوا الصبح، جربوا القهوة الطيبة مع المخبوزات يلي بيعملوها خاصةً براونيز وكرواسون. 

الرقم: 733 654 70

اكبسوا هون لتعرفوا العنوان بالزبط وين. 

6. Kōhī Lab، حي الأميركان الحدث

من الكافيهات القليلة بالضاحية يلي بتعمل قهوة مختصة. عندكن كتير نكهات عالمية وخلطات هني بيعملوها فيكن تختاروا منها.وإذا عندكن رفيق شغوف بالقهوة، هيدا المكان لازم تجربوه!

الرقم: 077 733 70

اكبسوا هون لتعرفوا العنوان بالزبط وين.

7. Cups Cafe، حارة حريك

كافيه كوزي وهادي، مثالي هلّق لتخلصوا شغلكن أو درسكن بكل راحة. بتلاقوا ألذ المشروبات المتلجة متل الإسبريسو فرابيه، الماتشا، أو الموكا الغنية.  مننصحكن تجربوا جنبها كيك الشوكولا أو لايزي كيك أو رولز القرفة! 

الرقم: 858 061 03

اكبسوا هون لتعرفوا العنوان بالزبط وين. 

8. Arabica Deli-Café، حارة حريك

كافيه بيميزو القعدة الحلوة ومساحة مخصصة للشغل Co-working space. عندن مأكولات وسناكات خفيفة، وأكيد جربوا قهوتكن على كراميل عنجد بيعملوها بطريقة غير شكل! بيضل فاتح لوقت مأخر وهالشي بيخلي محل مثالي لتجتمعوا مع رفقاتكن بعد الشغل. 

الرقم: 516 201 71

اكبسوا هون لتعرفوا العنوان بالزبط وين.

9. Z Luna Coffee، أوتستراد هادي نصرالله 

الشيف ورا هالمحل عندو من أطيب المطاعم الإيطالية بالضاحية، هالشي بيخلي هالكافيه الوجهة الألذ بالمنطقة لتدوقوا شغلة وحدة: اسبريسو التراميسو الغني!

اكبسوا هون لتعرفوا العنوان بالزبط وين. 

10. Loaffee، شارع القائم

Loaffee هو الكافيه اللي عنجد بتحسّوا فيه بدفا القهوة وقعدة مريحة من أوّل ما تفوتوا. لازم تبلشوا نهاركن بوايت موكا سخنة بتدفي القلب مع برود الصبح. هالكافيه بيضل فاتح لوقت متأخر إذا بتحبوا تضهروا بالليل وتشربوا شي.

الرقم: 655 621 76

اكبسوا هون لتعرفوا العنوان بالزبط وين. 

خبرونا، حبيتوا دليل كافيهات الضاحية؟ شو في محلات بتحبوا نزيدها ع الدليل؟