ألعاب فريدة وأسعار حلوة… كلو بالملعب الجديد بفردان!

إذا بعدكن عم تفتّشوا على محل آمن، واسع ومليان نشاطات لأولادكن ببيروت، فحضّروا حالكن لأنّو Kidzmaze فتح بفردان ليقدّم مساحة لعب ولا أحلى! من أوّل ما تفوتوا، بتحسّوا إنّو دخلتوا ع عالم صغير ملوّن، مجهّز بكل شي ليخلّي ولدكن ينبسط من قلبو.

عالم متنوع من أروع الألعاب!

هالملعب مش متل غيرو. عندن منطقة Super Mario بتعقّد للصغار يلي بيحبّوا الحركة والمغامرات. هيدا غير زاوية الطابات الكبيرة، ومساحة خاصة للولاد الأصغر بالعمر حتى يلعبوا براحتن وتحت عيون أهلن. 

في كمان ترامبولين واسعة للولاد يفضّوا طاقتن، غير منطقة الـ pretend play من دكتور للمطبخ للسوبرماركت، ليعيشوا خيالن ويقلّدوا عالم الكبار بطريقة ممتعة.

البنات رح ينبسطوا بزاوية سبا والصالون، يلي بتقدّم نشاطات حلوة بتناسب أعمارن. وفيه لعبة الشبك، ألعاب بإضاءة حلوة بتضيف هيك جو مسلّي.

أمّا إذا بدّن شي أكتر تكنولوجي، ففي VR games و arcade موجودين ليزيدوا الحماس. وحتى زاوية مخصّصة للـ arts and crafts لكل ولد بيحب يعبّر ويخلق شي.

مش بس هيك، إذا عم تفتّشوا على محل تعملوا فيه عيد ميلاد، عندن غرفة واسعة مجهزة بكل شي للجمعات الكبيرة. وغير النشاطات، الأهل فيهن يقعدوا بالكافيتريا ويتابعوا ولادن ع الشاشات من دون ما يضطرّوا يركضوا وراهن بكل زاوية.

كيف الأسعار؟

الأسعار كمان حلوة:
– 10$ للـ unlimited خلال الأسبوع
– 13$ للـ unlimited بالويك-اند
– 7$ لساعة لعب وحدة بأي نهار
(مع رسوم إضافية للـ VR والـ arcade والـ spa)

الأعمار هي من سنة لـ 12 سنة، والولاد فوق الـ4 سنين فيهن يبقوا لحالن تحت إشراف الفريق.

بتلاقوا بفردان وتحديدًا بConcord Center. بيفتحوا من الـ10 الصبح لـ7 المسا خلال الأسبوع، ولـ8 المسا بالويك-اند، وللتواصل ع الرقم: 899 224 70. 

إذا بدكن تجربة كاملة بين المرح، الألوان، والإبداع، ما إلكن إلا تروحوا ع Kidzmaze وتخلّوا ولادكن يعيشوا نهار ما بينتسى! وأكيد ما تنسوا تجوا ومعكن الكلسات! 🧦

شوفوا كمان:

غرامكن الأكل؟ 7 أكلات لازم تجربوها ببيروت