بالفيديو: طفل بالبقاع بلع زمور… وعم يصفّر مع كل ضحكة!

حادثة مضحكة وغريبة صارت بالبقاع الغربي، بعد ما قدر الفريق الطبي بمستشفى سحمر يشيل زمور كان عالق بجسم الصبي علي أسعد!

القصة بلّشت لما علي بلع الزمور وبلّش يصفّر مع كل نفس وضحكة. الفيديو انتشر بشكل واسع عالسوشيال ميديا، وبيبيّن علي عم يضحك جوا المستشفى والزمور عم يصوفر معو! حضروا هون:

رغم إنو الموقف خطير، بس أكتر شي لفت الناس هو أديه علي كان آخد الموضوع بروح إيجابية بالفيديو. التعليقات تنوّعت بين المزح وبين النصايح بعدم اللعب بهالإشيا الخطرة.

أهل علي نقلوه دغري ع المستشفى، وبعد الفحوصات قرّروا الأطباء يعملوا عملية دقيقة ليسحبوا الزمور. والحمدلله، العملية نجحت من دون أي مضاعفات، وحالة علي ممتازة وعم يضحك… هالمرة بلا زمور!

وبرغم من هضامة علي بالفيديو، الحادثة بتذكّرنا بخطورة الألعاب الصغيرة والقطع البلاستيك إذا انبلعت. المهم إنو علي طلع بخير وسلامة!