بين وادي قاديشا وإهدن… اكتشفوا البيت الأحمر التراثي

من فوق الوادي المقدّس وبحضن غابات الصنوبر، بتلاقوا بيت ضيافة اسمو سماق  SummaQ، متل لوحة معمولة بإيد حدا مغروم بالتراث والجمال. هالبيت اللبناني الإهدني عمره حوالي 100 سنة، وتم ترميمه بعناية ليحافظ على أصالته وروحو.

كل غرفة هون تجربة فريدة من نوعها. من البلاط الأصلي الملون للأبواب الخشبية العتيقة، للتفاصيل الصغيرة يلي بتحمل وراها مية حكاية. البيت بيضم 6 غرف، كل وحدة مصممة بعناية: شبابيك مضويّة، سقوف عالية، وبلاط قديم وخشب محفوظ من أوائل القرن العشرين بيحملكن لزمن تاني.

كل غرفة ملاذ، مزاج، وشخصية مختلفة. إذا بتحبوا الرومانسية والهدوء، في غرفة بإطلالة ساحرة على وادي قاديشا. أما إذا بتحبوا الشمس، في غرف بيغمرها الضو من الصبح للمسا. وفي جناح واسع وراقي مع بانيو خشبي من تصميم حرفيين، لتعيشوا لحظات دلال وراحة ما بتتكرر.

المكان محاط بغابات صنوبر وأراضي خصبة مليانة فواكه، زيتون، وحتى بذور السماق، ومن هون اجت فكرة الاسم. SummaQ مش بس اسم، هو رمز للتراث اللبناني، للطبيعة، للصحة وللنكهات يلي بتميز أكلنا.

SummaQ هو دار مفتوحة لكل ضيوفها: من المكتبة الحمرا يلي بتغريكن تقعدوا تقروا، الشومينيه يلي بتجمعكن بالليالي الباردة، البار والمسبح الأحمر يلي بيضيفوا جو جذاب. عدا عن الجنينة يلي بتدللكن بريحة الياسمين والتراب المبلول ورواق الجبل. كل زاوية بتفتح ع مشهد جديد بينكن وبين الطبيعة.

وموقع هالبيت ما بيتفوّت: 5 دقايق من مار أنطونيوس قزحيا، قريبة من محمية حرج إهدن، وعلى بعد خطوات من وادي قاديشا المقدس. وبمشوار صغير بتكونوا عم تتمشّوا بميدان إهدن وتشربوا سحلب دافي.

سواءً بدكن وقت رومانسي، مشوار بالجبل مع رفقاتكن، أو مهرب صغير لحالكن… سماق هو الوجهة هالموسم.

للحجز ع الرقم: 621 433 03. ما تنسوا تابعوهن ع انستغرام هون.

شوفوا كمان:

مشوار تشرين، كيف فيكن تقضوا نهار مميز بفنيدق القموعة؟