تاريخ دير الصليب، المستشفى اللي زارها البابا بلبنان

كلنا تابعنا زيارة البابا لاوون لمستشفى دير الصليب بجل الديب. هالمستشفى يعتبر حجر أساس لرعاية الصحة النفسية بلبنان لأكتر من مية سنة.

بلّشت القصة بالـ 1919 لما الأب جاك (اسمه الحقيقي خليل حداد)، الراهب الكبوشي المعروف بخدماته الخيرية، أسس ملجأ صغير لكبار السن، المرضى، و المحرومين من عائلاتهن. بنهاية الثلاثينات، صار الملجأ دار، بيقدّم حماية للناس يلي ما عندهن مأوى.

^{صور مأخوذة من موسى منصور (يسار) وإيلي سامي (يمين) عبر Google Images.}

الانتقال لمستشفى نفسي

التحوّل الحقيقي صار بأوائل الخمسينات، لما الدير صار مستشفى نفسي كامل. مع تقليص أو إغلاق مؤسسات قديمة، دير الصليب استقبل مرضى من كل أنحاء البلد وصار تدريجيًا واحد من أهم المؤسسات النفسية الاستيعابية بلبنان. أخوات الصليب الفرنسيسكان تولّوا الإدارة من وقتها لليوم.

لعقود، مستشفى دير الصليب كان بمثابة شبكة أمان وطنية للناس يلي عندهن مشاكل نفسية حادة أو مزمنة، كتير منهن ما عندهن محل يروحوا عليه.

بحلول أوائل 2000، صار دير الصليب واحد من أكبر المؤسسات النفسية بلبنان، بيستقبل مئات المرضى وبيحافظ على أجنحة طويلة الأمد، وحدات إعادة تأهيل، وخدمات تمريض. ب2010، أعلنت المستشفى إنه عندها قدرة استيعابية تقريبا 1000 تخت.

الأزمات المتلاحقة بلبنان غيّرت الوضع بشكل كبير

الانهيار الاقتصادي 2019، تدهور العملة، نقص الدوا، وهجرة كتير من العاملين بالقطاع الصحي ضربت هالمؤسسات بشكل كبير. مصاريف التشغيل بدير الصليب ارتفعت كتير بينما الدعم الحكومي كان رمزي. الطاقم حكوا علنًا عن صعوبة شراء الدوا، صيانة الأجهزة، أو تغطية الاحتياجات الأساسية لحوالي 800 مريض عايشين فيه، كتير منهن من طويلي الأمد و معتمدين كليًا على المستشفى.

المستشفى، رغم حجمه وتاريخه، بيشتغل تحت ضغط هائل. مع هيك أهميته زادت. مع تزايد احتياجات الصحة النفسية بالبلد والخدمات المجتمعية المحدودة، دير الصليب بعدو يعتني بالناس يلي ما عندن حدا.

ليه هالمؤسسات مهمة

دير الصليب مهم اليوم لأنه بيكشف المعاناة بقطاع الرعاية النفسية بلبنان. هو بيمثل تقليد إنساني طويل، بس كمان بيعكس الحاجة الملحة لوجود بنية تحتية نفسية حديثة ومستدامة.

حفظها مش بس لتكريم ماضيها. هي الاعتراف بالآلاف من الناس اللي بعدن بيعتمدوا عليها، وبناء نظام صحة نفسية حيث الاستشفاء الطويل الأمد بيصير خيار، ومش الخيار الوحيد الباقي.

شوفوا كمان:

زيارة البابا لاوون ع لبنان…شو رح يزور ووين تستقبلوه؟