بدك تصرّف مصاري بلبنان؟ صار لازم تبرز هوية

ابتداءً من هالشهر، أي حدا بده يصرّف مصاري بلبنان لازم يقدّم بطاقة هوية أو جواز سفر. هالشي بينطبق على كل العمليات النقدية و الصرافة، بغض النظر عن المبلغ يلي عم يتم تحويله.

هالقرار صادر عن مصرف لبنان (BDL)، اللي أصدر تعميم 3/ قرار 13769 بـ 14 تشرين الثاني 2025. بيطلب من كل المؤسسات المالية غير المصرفية، متل محلات الصرافة، شركات تحويل الأموال، ومقدمي خدمة المحفظة الإلكترونية، إنو يتحققوا من معلومات الزبائن لكل معاملة نقدية. وهالمعلومات لازم يتم إرسالها بأمان لمصرف لبنان خلال يوم عمل واحد.

هالخطوة جزء من توسيع النظام اللبناني المعروف بإسم “اعرف عميلك” (KYC)، واللي مصمم لمكافحة تبيض الأموال وإساءة استخدام النظام المالي المرخص بعمليات مشبوهة. كل الزبائن الجدد والقدام رح يتأثروا بهالتغييرات، ومحلات الصرافة لازم يحفظوا هالمعلومات للرجوع إلها عند الحاجة.

للزبائن، الرسالة واضحة: ما عندك هوية؟ ما فيك تصرّف مصاري. حتى العمليات الصغيرة واليومية هلّق صار لازم تمر بهالتحققات مع زيادة الرقابة المالية من الدولة.

بدكن تواكبوا آخر الأخبار؟ شوفوا قسم الأخبار ع موقعنا.