شارك فرحة العيد…حقق أمنية طفل مع حملة توفير الجديدة!
هالويك أند، سوبرماركت توفير بلّش موسم الأعياد بمبادرة مؤثرة بتسلّط الضو على العطاء والأمل. بالشراكة مع جمعية تمنّى، اللي بتحقق أمنيات الأطفال اللي عم يواجهوا أمراض حرجة، أطلقت توفير حملة عيد الميلاد لتحقيق أحلام 9 أطفال من مختلف المناطق اللبنانية.
الأماني بحد ذاتها بتلمس القلب: بعض الأطفال بيحلموا يقابلوا بطل رياضي، غيرهم بأول رحلة سفر، أو برحلة بالقارب مع العيلة، وفي يلي بتمنى زاوية ألعاب صغيرة تفرّح قلبه، بينما بعضهم بتمنى علاج يخفف ألمه ويقوّيه. هالأماني بسيطة لكنها كبيرة بالمعنى وبتذكّرنا قديش لحظة وحدة من الفرح ممكن تغيّر يوم طفل.
الإعلان صار بفرع توفير ب طبرجا خلال احتفال مليان موسيقى وروح، مع إضاءة شجرة عيد الميلاد الكبيرة وكورال الولاد قدّم أجواء العيد. حضروا ممثلين عن توفير وتمّنّى.
كيف فيك تساعد؟
هالسنة، فيكن تتبرعوا بدولار أو أكتر عند الدفع بأي فرع من فروع توفير. كمان، جزء من عائدات مجموعة مختارة من المنتجات رح يروح لدعم المبادرة، ليصير كل شراء يومي خطوة صغيرة بتفرح قلب طفل. الهدف بسيط: مساعدة تمنّى لتحقيق لحظات فرح وراحة ل9 أطفال عم يواجهوا تحديات صحية كبيرة بشجاعة.
الحملة رح تستمر بكل فروع توفير من 1 كانون الأول لغاية 6 كانون الثاني، وبتعطي كل المتسوقين فرصة يشاركوا ويعملوا فرق بهالموسم.
الأكثر قراءة هالشهر
