عشاق الشوكولا: 20 محل لتتلذذوا بفنجان كاكاو سخن بلبنان
مع البرد وأجواء عيد الميلاد بلبنان، أكيد عبالكن فنجان دافي من الشوكولا السخنة! في أماكن كتير بتقدّم شوكولا غنية مع كريمة، مارشميلو، أو نكهات لطيفة متل القرفة والتوابل. إذا بدكن تعرفوا وين فيكن تدلعوا حالكن بفنجان كاكاو سخن أو هوت شوكلت، هيدا المقال دليلكن هالموسم.
Maison Reef، الروشة
جربوا الشوكولا السخنة البلجيكية بألذ تقديم من هالمحل بالروشة، ومش بس هيك فيكن تدوقوها مع البسكويت أو مارشميلو.
الرقم: 038 036 03
Moon’s، الجميزة
بس هيدا الكريسماس بتلاقوا عندن مشروبات مميزة للعيد متل كاكاو سخن مع peppermint وموكا مع مارشميلو.
Bakerloo، بدارو وبلس وضبية
تخايلوا كباية من الشوكولا الغنية مع مارشميلو مشوية وطربوش من فوق؟ بتلاقوها بس عندن هالشتوية!
Dutch House، الحازمية
هالمحل عاملين شوكولا سخنة بتغطسوا فيهن حلو التشورو المشهور لمزيج لا يقاوم!
SmushKies، مار مخايل
هالمحل المهضوم عندو أطيب بوش ع العيد، كوكيز، ومعروف ب Chocolate bombs يلي بيدوبوا بقلب فنجان الشوكولا سخنة!
الرقم: مار ميخايل 871 827 81
كافيه يونس، فروع كافة
هالكافيه المحبوب مش بس عندو قهوة مختصة طيبة، بس كمان شوكولا سخنة مع مارشميلو.
Neighbourhood، الجميزة
إختاروا عند هالكافيه المهضوم بين الكاكاو السخن مع رغوة ورشة شوكولا أو مع مارشميلو!
الرقم: 184 446 01
Sip، الجميزة
فنجان من الكاكاو السخن مع قعدة زهر، في أهضم من هيك؟
Sogno Beirut، أنطلياس
إذا بتحبوا الشوكولا السخنة مغمورة ع الآخر بالكريمة الغنية، ما تفوتوا عليكن هالمحل!
Cafe Amor، الأشرفية
بيقدمولكن الشوكولا الغنية مع الكريمة المخفوقة و رشات من الكاكاو!
الرقم: 855 308 71
Gou، الجميزة
هالمحل بيعمل الهوت شوكلت بطريقة مميزة مع حلو المرنغ المشوي من فوق!
Haven The Cabin، جبيل
كافيه عندو قعدة مكنكنة ومشروب الكاكاو السخن، جربوا مع أصحابكن هالشتوية!
الرقم: 157 576 76
Ours Cafe، زحلة
أجمل محل ممكن تدوقوا فيه هوت شوكلت مع أجواء وحلويات الميلاد!
الرقم: 238 394 03
سكر نبات، عمشيت
مش بس عندو هوت شوكلت، بس كمان حلويات معمولة من غزل البنات وبسكويت الغندور وقصص كتير طيبة.
Unicorn Coffee House، برمانا
من أحلى المحلات يلي فيكن تزوروها كل كريسماس بلبنان! إطلبوا فنجان كاكاو سخن مع مارشميلو، ومزمزوا فيه جنب شجرة الميلاد!
الرقم: 966 822 71
Krema، النبطية
كافيه لطيف بالنبطية فيكن تدوقوا عندو فنجان شوكولا بلجيكية سخن مع مارشميلو أو كريمة ع الوج!
Leaf، البترون
كلنا منعرف إنو سوق البترون المكان المثالي وقت الكريسماس! جربوا عند ليف فنجان شوكولا سخن مع حلويات ميلادية بتاخد العقل!
Nougi Beirut، الأشرفية
لكل حدن غرامو الحلو، لازم تدوقوا فنجان الكاكاو السخن مع الكريما من هالمحل!
Gossip Beirut، وسط بيروت
Gossip Beirut عندو شوكولا سخنة، كريمي وطعمها غني مع مارشميلو والآيس كريم من فوق!
Dreamers Bookshop Cafe، الجديدة
إنبسطوا بفنجان كاكاو سخن مع مخبوزات طازة وكتاب ممتع عند هالكافيه اللطيف بالجديدة! إختاروا بين الكريمة أو المارشميلو ع الوج!
خبرونا حبيتوا دليل الشوكولا السخنة أو هوت شوكلت حول لبنان؟
الأكثر قراءة هالشهر
