جربوا الـ AI على موقعنا: دليلكن الذكي لكل شي بلبنان
بتعرفوا إنو بيروت.كوم صرلو أكتر من 15 سنة بقدملكن أفضل محتوى! من أجدد الأماكن، أحلى المشاوير، ألذ الأكلات، لأهضم يوميات وذكريات، كل هيدا بمطرح واحد. واليوم، رح نرفع تجربتكن على موقعنا لمستوى جديد: صار فيكن تكتشفوا لبنان كله بسهولة خلال ال-AI الجديد عالموقع!
أضفنا مساعد ذكي جديد على الموقع. فيكن تحكوا معو، تسألوا سؤالكن، وتحصلوا على توصيات شخصية بسرعة بدون ما تتعبوا حالكن بعملية البحث.
كيف بيشتغل
1.بلشوا من قسم AI على الصفحة الرئيسية
بس تفوتوا على صفحة بيروت.كوم الرئيسية، ح تلاقوا جزء علوي ملوّن. اكبسوا على أي اقتراح سريع، وبعدين فيكن تسألوا سؤالكن الخاص.
2. إسألوا عن أي شي بلبنان
بدكن سوشي؟ مطعم رومانسي؟ أو كافيه مع حديقة؟ اسألوا الـ AI. هو بيفهم شو عم تدوروا وبيقدملكن خيارات مبنية على محتوانا المكتوب.
أمثلة فيكن تجربوها:
– أجمل متاحف لازم نزورهن
– مطعم مع منظر عالبحر
– بيت ضيافة رومانسي بقلب الجبل
أو أي شي تاني ممكن يكون عنا دليل إلو!
3. بدلوا بين وضع الدردشة والكلام
بتفضّلوا تحكوا بدل الكتابة؟ اكبسوا عالميكروفون واسألوا بالأسلوب واللغة يلي بدكن ياها!
4. سجّلوا الدخول لتحفظوا محادثاتكن
لما تكونوا مسجّلين، الـ AI بيحتفظ بتاريخ المحادثات. فيكن ترجعوا للأفكار، المطاعم، والنصائح بأي وقت.
شوي أفكار ممكن تسألوها:
مواضيع العالم عم يستكشفوها:
| القسم | أمثلة على الأسئلة |
|---|---|
| أكل وشرب | أطيب برغر. محلات ستيك. عروض أكل |
| مشاوير | مطارح لغروب الشمس. سهرات ببيروت |
| نشاطات وفعاليات | مهرجانات وأسواق هالشهر |
| تسوق | ماركات لبنانية |
| سفر | بيوت ضيافة. دليل المناطق (الجنوب، الشمال، البقاع، غيرو) |
| فن وثقافة | متاحف للزيارة. معالم تاريخية. معارض فنية |
| نكت وتسلية | ذكريات الطفولة بلبنان. عبارات لبنانية |
كل ما تسألونا سؤال، بتساعدونا نوسع أفكارنا لنقدملكن محتوى أفيد وأحلى!
وين فيكن تلاقوا هيدي الخاصية؟
✔ الجزء الملون فوق صفحاتنا الرئيسية
✔ الكبسات ببداية كل مقالاتنا
الأكثر قراءة هالشهر
