فطيرة محشية كنافة جبن…حلو ما بتلاقوا إلا بعكار!

من قلب عكار، قرروا حلويات أرناؤوط يعملوا شي عنجد جديد… وطلعت معهن فطيرة محشّية كنافة جبنة! اختراع بيجمع قرمشة الفطيرة مع طراوة الكنافة ونكهة الجبنة اللي بتدوب بالقلب قبل التم.

القصة بتبلّش من عجينة فطيرة خفيفة ومقرمشة، بتطلع دهبية وشهية. بس المفاجأة الحقيقية بتكون وقت تفتحوها: كنافة جبنة طرية، بتمد وبتعطي هالريحة اللي بتذكّركن بأدفى صبحية.

ومن فوق؟ رشة فستق حلبي بتكمّل المنظر، مع شوية قطر خفيف بيعطي لمعة وتوازن بالطعم. يعني لقمة فيها كل شي: القرمشة، النعومة، الحلا!

أرناؤوط عرف كيف يمزج بين قرمشة الفطيرة مع نعومة الكنافة… بتطلع لقمة ما بتنتسى. وفي عالم عم تجي من برّا عكار بس لتدوقها. 

باختصار… فطيرة محشّية كنافة جبنة هي أحلى مثال عن الإبداع اللبناني: فكرة بسيطة، نتيجة روعة، وطعم بياخد العقل. وإذا بعد ما جرّبتوها… ما إلكن إلا تطلعوا ع حلبا!

فرع أول : عكار- مفرق جديدة الجومة :71959526

فرع تاني: عكار – ساحة حلبا : 71753317

ما تنسوا تابعوهن ع انستغرام هون.

شوفوا كمان:

بوش دو نويل الداعوقية…عيد من نوع تاني بلبنان!