هالمحل بيعمل أحلى ورش فنية بالضاحية!
إذا كنتوا بتحبوا الفن وعم تدوروا على مطرح بيفتحلكن عالم من الإبداع، لازم تتعرفوا على 124 Atelier بالضاحية.
هالمحل بيقدملكن مساحة مليانة حياة وفن، مطرح الصغار والكبار فيهن ينبسطوا ويعبروا فيه! وورا المشروع فنانة بصرية محترفة بتعرف كيف توجّهكن خطوة بخطوة، حتى لو ما عندكن أي خبرة سابقة بالفن.
هالمساحة بتقدم ورشات ودروس متنوعة لكل الأعمار: من رسم على الكانفاس، وتلوين القزاز، للنحت وورشات حلوة موسمية متل تبنوا gingerbread house وتزيين الكوكيز، خاصةً هلق مع موسم الكريمساس.
الحلو إنو كل المواد متوفرة بالمكان، يعني كل اللي عليكن تجوا إن كان لحالكن، مع ولادكن، أو رفقاتكن كمان. والجو كتير دافي ومرح بيخلي التجربة أحلى!
سواء كنتوا بدكن تجربة جديدة، أو عبالكن تطوّروا مهاراتكن الفنية، أو حتى بدكن تجربة ممتعة مع رفقاتكن، 124 Atelier هو المكان المثالي.
ما تفوّتوا الفرصة لتكونوا جزء من عالم الفن والمرح بـ 124 Atelier! للحجز، على الرقم 71064500. فيكن تابعوهن ع انستغرام هون.
الأكثر قراءة هالشهر
