متل الأفلام…أجمل 17 محل لتعيشوا جو الكريسماس حول لبنان
مع قرب الكريسماس، لبنان عم يتحول لقرية ميلادية كبيرة. من الزينة المضوية والموسيقى الحلوة، لريحة الحلو الطيب ومشاوير العيد، في 17 محل اخترناهن لتعيشوا أجمل أجواء الكريسماس حول لبنان. حضّروا حالكن لضهرات حلوة، صور بتشبه الأفلام، ولحظات دافية عنجد بتخلّي العيد عيد. ✨
ببيروت
1. Théo، مار مخايل
شو هو: مطعم وبار عصري بمنطقة مار مخايل بيقدم أطباق مستوحاة من المطبخ الآسيوي بلمسات متوسطية.
2. The Wooden Cellar، مار مخايل
شو هو: مطعم إيطالي دافي بمار مخايل مشهور بالباستا اللذيذة، النبيذ والأجواء الحميمة. بصير متل قرية ميلادية صغيرة بالكريسماس.
3. The Royal Cellar، مونو
شو هو: الفرع الثاني والجديد لـ The Wooden Cellar ببيروت، وأجواءه أفخم.
4. درج، مار مخايل
شو هو: واحد من أروع الكافيهات يلي عندن منيو مميزة للكريسماس.
5. Albergo، الأشرفية
شو هو: فندق مرتب بالأشرفية مع ديكورات مميزة وطابع أوروبي كلاسيكي.
6. Maison Prunelle، وسط بيروت
شو هو: مخبز ومطعم بأجواء رومانسية، ع العيد بيصير الجو عندن ولا أجمل!
برا بيروت
7. Diaspora Village، البترون
شو هو: مجموعة من المطاعم المتنوعة بجو تراثي بتروني. بتصير متل قرية ميلادية كل سنة ع الميلاد.
8. OURS Café، زحلة
شو هو: كافيه زحلاوي صار مشهور من السنة الماضية بزينة عيد الميلاد الخيالية. وهالسنة كمان زاد جمال المحل.
9. The Brick House، البترون
شو هو: مطعم وبار لازم تزوروه موجود بأكتر مطرح فيه أجواء كريسماس بلبنان: Arnaoon Village.
10. Sogno، أنطلياس
شو هي: كافيه جذاب بأنطلياس، صار ترند من ورا التيراميسو لاتيه تبعهن.
11. Unicorn Coffee House، برمانا
شو هو: أشهر كافيه بيعمل زينة ميلادية بكل لبنان، عندو من ألذ هوت شوكلت كمان.
12. LEAF، البترون
شو هو: كافيه بالسوق القديم بالبترون عندو ألذ حلويات ميلادية ممكن تجربوها.
13. تلة نصر، النعص بكفيا
شو هو: مطعم بيتوتي ببكفيا بأجواء حميمية دافية، مثالي لعشا مميز بقلب الجبل.
14. Cyrano Brasserie، النقاش
شو هو: براسيري وبار رايق، مكان مثالي هالعيد للسهرات المتأخرة مع أصحابكن.
15. علاء الدين، ضبية
شو هو: مطعم جاية من أميركا ع لبنان، عامل زينة كتير حلوة ع الميلاد.
16. RAYS، البترون
شو هو: مطعم مميز ع البحر بالبترون، كل سنة بيعملوا زينة أحلى من يلي قبلها.
17. مطعم ست الكل، جونية
شو هو: من أجمل وأروع المطاعم يلي ممكن تجربوها هيدا الميلاد، وما تنسوا تاخدوا الصور الحلوة.
إذا نسينا أي محل بلبنان مع زينة روعة ع عيد الميلاد، خبّرونا!
الأكثر قراءة هالشهر
