خبر حلو لأهل الشمال: إعادة فتح نفق شكا بالكامل

أهل الشمال صار فيكن تنبسطوا! نفق شكا رح ينعاد فتحو بالكامل على أوتوستراد بيروت – طرابلس ع طريق حامات – شكا، بعد سنين من التسكير الجزئي.

النفق كان مسكّر جزئياً بسبب انهيارات صخرية سابقة ب2019. وهالشي خلّى المسلك الغربي يسكر والسيارات تمشي بس على المسلك الشرقي باتجاهين، وعمل عجقة سير يومية.

اليوم، خلصت الأشغال والاتوستراد صار سالك ع الميلتين. ولضمان سلامة المرور ومنع أي انهيارات بالمستقبل، تم تدعيم النفق والجبل، رفع الردميات، وكمان تنضيف الطريق من الأتربة والحجارة.

مع إعادة فتح المسلك الغربي، حركة السير رح ترجع طبيعية بالاتجاهين، ونفق شكا صار جاهز للعمل بالكامل.

شوفوا كمان:

حديقة جديدة بوسط بيروت…وضع حجر الأساس لحديقة رفيق الحريري!