قدّ بني آدم…هيدا أكبر بوش دو نويل بلبنان!
بموسم الأعياد، ما في شي بيكمّل فرحة الميلاد متل بوش دو نويل. هالحلو الكلاسيكي من أوّل ما ينحط عالسفرة بتحسّوا إنو العيد عنجد بلّش. شكلها المهضوم، طعمها الغني، والتفاصيل الصغيرة اللي بتزيّنها… كلّها بتاخدنا على أجواء دافية وحلوة، مليانة فرحة ولمّة العيلة.
هالسنة، حلويات درويش قرّروا يعملوا شي مش عادي أبداً. بدل ما يقدّموا البوش متل ما منعرفها، أخدوا الفكرة وراحوا فيها ع الآخر، وعملوا أكبر Bûche de Noël بلبنان! حجمها استثنائي لدرجة إنّو بدها أكتر من شخص ليقدروا يحملوها سوا.
ورغم هالحجم الكبير، حلويات درويش حافظوا على الروح والستايل التقليدي اللي منحبّه. بوش دو نويل إجت ع شكل رول كلاسيكي، مغطّسة بالشوكولا من كل الجهات، ومزيّنة بزينة ميلادية لتصير تحفة حقيقية.
وأكيد، بتلاقوا عندن البوش دو نويل بالحجم الطبيعي!
بهالخطوة الجريئة، حلويات درويش علّوا السقف عنجد، وخلّوا الكريسماس هالسنة غير شكل… أحلى وألذ. 🎄🍰
الأكثر قراءة هالشهر
