15 شغلة أكيدة رح تسمعوها من رفقاتكن المغتربين هالموسم
عجقة، قصص سفر، ولمّة عيلة… متل كل سنة ع العيد اللبنانيين المغتربين رجعوا، وهيدي 15 شغلة رح تسمعوها أكيد منهن!
1. أوف، شو كل المطارح مفوّلة؟
مع نظرة “مبين معكن مصاري وماشي الحال”.
2. ليه هلقد كل شي غالي
إنو ما معن خبر نحنا بأزمة وببلشوا يخبروكن بأسعار كل شي برا.
3. شو رأيكن نضهر هالأربعا ما عندي شي
كأنو العالم ما عندها شغل بنص الجمعة
4. يا ريت فيني ضل بلبنان
طيب، شو مانعك؟
5. والله شجرة الميلاد هالسنة أحلى من لندن!
إنتو شفتوا شجرة البترون يلي طوشت الدني؟ طيب شجرة جونية؟ اكبسوا هون لتشوفوا كيف أبدعوا هالسنة
6. عبالي آكل شاورما
كل يوم بدن شاورما
7. وين بدنا نضهر ع العيد؟ وين السهرة ع راس السنة؟
وإنت خالص معاشك من أول الشهر…
8. والله كل شي هون غير
بيحبوا يذكرونا مية مرة
9. عنجد برا ما بيعرفوا يسهروا
هيدي بيذكرونا فيها ع أكتر
10. أي ساعة بتجي الكهربا
مين قلك بتجي الكهربا؟ ليه عاملين حالكن ناسيين؟
11. شو تروحوا اليوم ع البترون؟ طب جبيل؟
مش شايف العجقة لوين واصلة؟
12. ليه هلقد في عجقة
ولا كأنوا المغتربين هني يلي عاملين هالعجقة…
13. كيف صار لبنان يا حرام وين كنا ووين صرنا
منعرف، شكراً ع التذكير.
14. ليه هلقد تيكت الميدل ايست غاليين
ليه بتعملوا حالكن مصدومين كل مرة؟
15. بدي صرّف مصاري كل يلي معي بالدولار/اليورو
يا أبو الملايين
خبرونا، شو بيعملوا رفقاتكن المغتربين لما يجوا كل سنة ع لبنان؟
الأكثر قراءة هالشهر
