بعد 82 سنة… فندق الكومودور بالحمرا رح يسكر
بعد 82 سنة من كونه واحد من أشهر فنادق بيروت، فندق الكومودور بالحمرا رح يسكّر رسميًا بتاريخ 10 كانون التاني 2026.
تأسّس Le Commodore سنة 1943، ومع الوقت صار جزء أساسي من قلب المدينة. موقعه المميّز خلّاه محطة مهمة للمسافرين، الطلاب، وأهل بيروت. كان يضم 203 غرف وأجنحة، مسبح، قاعات مؤتمرات، ومطاعم معروفة داخل الفندق، أبرزها مطعم Benihana الشهير، يلي للأسف سكّر أبوابه نهار الاثنين.
خلال الحرب الأهلية اللبنانية، صار الفندق ملجأ آمن للصحافيين الأجانب والدبلوماسيين. بعد ما اتعرض لأضرار بهالفترة، تم هدم المبنى الأصلي وبعدين إعادة بناءه وافتتاحه من جديد بشباط 1996.
وبعدها، شهد الفندق لعملية تجديد كبيرة سنة 2004، لتحديث مرافقه واستقبال أجيال جديدة من الزوّار.
إقفال فندق Le Commodore سنة 2026 بيطوي صفحة من 82 سنة من ذاكرة بيروت. ترك وراه أثر كبير بعالم الضيافة، وذكريات محفورة ببال كل شخص مرّ من هالأبواب.
الأكثر قراءة هالشهر
