بيّ لبناني مغترب فاجأ ولاده لابس بابا نويل!

بابا نويل هالعيد كان غير عن كل مرّة. بيّ لبناني مغترب قرّر يرجع ع بيتو ويفاجئ ولادو بأهضم وأقرب طريقة عالقلب. لبس تياب بابا نويل، خبّى ملامحو، ووقف قدّامن متل أي سانتا جايي يوزّع هدايا ع البيوت. حضروا هون:

أوّل شي ضحكوا، ركضوا عليه، وصاروا يصرخوا من الحماس… وبثواني تغيّر كل شي. لما عرفوا إنو مش سانتا وإنو بابا، صارت الضحكة دموع، وصارت المفاجأة أكبر من إنو تنوصف!

ببلد متل لبنان، الغربة مش دايماً خيار. آلاف بعاد عن ولادن، عم يشتغلوا ليأمّنوا مستقبل أحسن. بس رغم كل شي، الرجعة إلها طعم تاني وحضن كان ناطر هاللحظة من زمان.

هالقصة بتشبه قصص كتير بلبنان. وبتذكرنا إنو أجمل هدية ممكن يعيشها ولد بهالعيد مش لعبة جديدة ولا صندوق ملوّن… أجمل هدية إنو بابا يرجع عالبيت.

شوفوا كمان:

استقبلوا 2026… أحلى 70+ حفلة وسهرة راس السنة بكل لبنان!