أطيب من البوظة ع قشطة…جربتوا بوظة المفتقة أو بعد؟

لأول مرة بلبنان، صار فيكن تجربوا بوظة المفتقة عند محل Guilt Free Gelato بفردان! هالبوظة بتجمع بين الأصالة البيروتية والابتكار بطعمة ما بتلقوها بأي محل تاني.

هالبوظة مش متل غيرها وحتى ممكن تنافس البوظة ع قشطة… لونها أصفر مغري، قوامها كريمي وناعم بيدوب بالتم، وبتجمع بين طعم الطفولة يلي منحبو بطريقة خفيفة ولذيذة. كل ملعقة من هالبوظة بتاخدكن لأيام زمان لما كانت كل عيلة بيروتية تروح ع رملة البيضا ويحضّروا المفتقة ع البحر.

المفتقة بيروتية أصيلة وعريقة، أصلها من أيام العثمانيين، وكانت حاضرة بكل بيت بيروتي، خاصةً بأربعاء أيوب، آخر أسبوع من نيسان. بتتحضر من رز، طحينة، سكر، عقدة صفرا وصنوبر، وبتحتاج صبر وتحريك طويل. فيكن تتعرفوا ع تاريخها أكتر بمقالنا هون. 

مش بس هيك، Guilt Free Gelato بيقدم كل النكهات يلي منحبها بطريقة صحية. يعني البوظة يلي عندن مناسبة للناس يلي عم يتبعوا دايت وما بدن سكر، أو عندهن حساسية ع اللاكتوز أو الغلوتين، وحتى للنباتيين.

المحل بتلاقوا ب Dunes Mall، فردان. بيفتح من 11 الصبح ل 9 بالليل. تابعوهن ع انستغرام هون لكل جديد. الرقم: 090 101 76.

خبرونا، بتجربوا بوظة المفتقة؟

شوفوا كمان:

سوق الطيب نقل ع موقع جديد ببيروت! هون التفاصيل