36 مطعم شتوي مع قعدة جنب النار بلبنان

بدكن قعدة مليان دفى هالشتوية؟ كتار منّا بيحبوا قعدة الصوبا أو الشاميني، خصوصي بالبرود والتلج. كرمال هيك لقينالكن 36 مطعم شتوي مع قعدة جنب النار بلبنان!

1. تلة نصر، بكفيا

مطعم لبناني روعة بأحضان صنوبر بكفيا. بيقدم الأطباق اللبنانية الشهية والأكلات الجبلية على سفرة جنب الشاميني الحلوة.

الرقم: 404 690 71

2. مطعم الشمس، عنجر

هالمطعم اللبناني والأرمني بعنجر معروف بأكلاتو الدسمة وطبخاتو الشهية والسفرة الكريمة! محطة أساسية لمحبي الأكل التقليدي بالبقاع، والحلو انو عندن قعدة مكنكنة جنب الدفاية.

الرقم: 800 620 81

3. لولا، بكفيا

إستمتعوا بعشا رومانسي من أطباق فرنسية دافية وأكل متوسطي مميز بهالمطعم الفاخر. من قعدة الحجر لكاس نبيد جنب نار، رح تقضوا أحلى وقت مع الشريك.

الرقم: 706 062 71

4. جلسة العرزال، حراجل

إذا كنتوا عم بتدوروا على تجربة تقليدية، هالمطعم مميز لجمعات العيلة، مع الأجواء الدافية جنب النار والمازة الطيبة.

الرقم: 650 711 03

5. Les Caves، فقرا

أجمل شي كاس نبيد مع جبنة فوندو على ضو الشموع والدفى جنب الشاميني عند Les Caves. هالمكان بيفوت الدفى على قلوبكن وبعيشكن الرومانسية بكل تفاصيلها، خلوا هالمطعم ببالكن للعشا الجاية مع حبيبك أو حبيبتك.

الرقم: 418 894 03

6. FLINT، ضهر الصوان

الديكور الأنتيكا، قعدة الصوبا، ضو الشموع، والموديل الحجر القديم، مع أكلة دافية وشهية هالشتوية! مطعم فلينت مطرح غير شكل لموعد غرامي على جو رومانسي من الحلم.

الرقم: 375 864 71

7. Ô Bois، الخنشارة

مطعم بقلب كابين خشبي مخبى بين احراج ضهور شوير، بتقدروا تستمتعوا بجو دافي وحميم جنب الشاميني مع كاس نبيد ومأكولات فرنسية شهية.

الرقم: 752 345 03

8. Azawardi، اللقلوق

قضوا الويك-اند عند هالمطعم المكنكن بحضن اللقلوق، عندن جو دفى جنب الشاميني ومازة لبنانية شهية كتير رح تستانسوا فيها!

الرقم: 868 888 76

9. قرطبة، بعبدات

إستمتعوا بعشا راقي مع نبيد، موسيقى البيانو، والعمارة التقليدية عند مطعم قرطبة. عندن قعدة كهف مع شاميني، وبيقدم اطيب الأكل اللبناني والأرمني على جو ساحر بالجبل.

الرقم: 705 614 71

10. رووت 829، حصرون

بمشواركن على وردة الجبل حصرون، لازم تجربوا لقمة مطعم روت! من البيتزا الشهية والأكلات الدسمة والشوربة الدافية، وكلو جنب الدفاية!

الرقم: 829 000 71

11. عند شاكر، فقرا

مطعم بيتوتي بكفردبيان بيقدم لقمة ضيعة وقعدة للعيلة كلها! وأجمل شي انو فيكن تستمتعوا بأطيب الأكلات الجبلية على دفى نار!

الرقم: 800 341 29

12. Cherrylane، حمانا

تشيري لاين مطعم كلاسيكي لتدوقوا الأطباق الإيطالية والفرنسية على أصولها! مشواركن هالشتوية على حمانا ما بيكمل من دون ما تجربوا هالمطعم الدافي.

الرقم: 588 335 71

13. الشلوف، جزين

من أطيب مطاعم جزين جنب الشلال، عندن قعدة دافية، لقمة لبنانية أصيلة، ومنظر خيالي للجبال.

الرقم: 774 781 07

14. Le Cedrus Hotel، الأرز

استمتعوا بسفرة جنب الشاميني بعد نهار كامل من التزلج ببشري عند هالأوتيل والمطعم! مكان بياخدكن على سويسرا بجمالو ولقمتو.

الرقم: 777 413 70

15. بيت الغابة، جزين

إنبسطوا بغدا من أطيب المازة والأطباق اللبنانية جنب الشاميني مع كاس نبيد محلي، وأجمل شي انو بحضن غابة صنوبر جزين.

الرقم: 222 800 07

16. مطعم الوادي، مار شعيا

مطعم بيتميز بالمازة اللبنانية الطيبة، والقعدة المرتبة جنب الشاميني.

الرقم: 364 448 03

17. كانوبي، برمانا

عبالكن جلسة جنب الموقدة وعم تشوفوا أكلكن عم يتحضّر قدامكن؟ جربوا كانوبي بين صنوبرات برمانا.

الرقم: 022 023 76

18. جلسة ليالينا، حراجل فاريا

هالمطعم من أطيب المطاعم بفاريا، جربوا عندو القعدة الشتوية جنب النار مع منظر التلوج برا.

الرقم: 471 180 03

19. مطعم باب الهوى، إهدن

أيام الشتوية بدها غدا زغرتاوي مميز، أطيب كبة وأدفى قعدة جنب النار!

الرقم: 047 456 03

20. جنينة الخواجة، فقرا كفردبيان

قضوا نهار مميز بين التلجات، ومن بعدها دوقوا لقمة لبنانية بتشهي جنب الشاميني عند مطعم جنينة الخواجة!

الرقم: 568 444 76

21. لوكاندا كورسيني، بكفيا

في أطيب من الباستا الإيطالية، مع قعدة جنب الشاميني وجو كلو رومانسية؟ هالقعدة وأكتر ناطرتكن هالشتوية عند لوكاندا كورسيني.

الرقم: 143 263 81

22. مطعم عين حشمية، بيت شباب

من المشاوي للفوارغ، هالمطعم عندو كل الأطباق اللبنانية التقليدية مع قعدة غير شكل جنب النار.

الرقم: 345 221 03

23. بكرزاي، بعقلين

عبالكن تسهروا جنب الشاميني مع كاس نبيد وأكل طيب؟ بتلاقوا هالقعدة الشتوية عند بكرزاي. إذا عبالكن تقضوا الليلة كمان بتلاقوا بيت ضيافة مكنكن وع الموديل اللبناني.

الرقم: 664 766 71

24. جلسة ليزا، زغرين

سفرة لبنانية كريمة، قعدة جنب الشاميني، وجو جبلي مميز بس عند جلسة ليزا!

الرقم: 934 158 03

25. Hillhout Village، الخنشارة

ناطركن بهيدا المطعم المكنكن فوندو ونبيد مع قعدة جنب الشاميني!

الرقم: 711 757 70

26. مطعم لوس – جزين وعين سعادة

اطلعوا ع جزين هالشتوية وجربوا سفرة لبنانية بتشق القلب مع أحلى قعدة شاميني.

الرقم: جزين 330 780 07 – عين سعادة 666 531 04

27. ميني كيتشن، عاليه

عبالكن ترويقة بيتوتية مع قعدة كلها دفى وروقان بالجبل؟ ميني كيتشن ناطركن هالشتوية بعين الرمانة عاليه!

الرقم: 186 682 03

28. قصر فخر الدين، برمانا

أحلى تجربة ممكن تعيشوها هالشتوية هي عشا ملوكي جنب الشاميني وبقلب قصر بالجبل!

الرقم: 387 961 24 – 295 888 03

29. مطعم قصر البحيرة، الزعرور

أطباق لبنانية بالفخارة، مع قعدة جنب الشاميني ومنظر بيطل ع التلوج والبحيرة الجليدية!

الرقم: 779 111 71

30. The Brick House، البترون

مطعم رومانسي من الحجر القديم، عندو قعدة جنب النار وكاس نبيد بتاخد العقل.

الرقم: 155 871 81

31. Les Caves، روم جزين

أطيب لقمة جزينية مع أدفى كاس نبيد جنب الشاميني بهيدا المطعم الرومانسي!

الرقم: 292 810 07

32. Double T، غابة الشبانية

مطعم مخبى بكوخ خشب بقلب الغابة، أحلى مشوار بالشتوية!

الرقم: 919 021 71

33. Auberge Le Valais، فاريا

جربوا جبنة الراكليت ع الطريقة السويسرية من هيدا الأوتيل!

الرقم: 227 552 03

34. Maison L’orée، بسكنتا

مطعم فتح جديد مخبى بأعالي بسكنتا. عندو قعدة حميمة ودافية جنب الشاميني.

الرقم: 897 902 71

35. Le Telegraphe de Belle Vue، بحمدون

مطعم وأوتيل ببيت تراثي، قاعد بين كروم العنب وبيقدم أحلى قعدة شتوية جنب النار.

الرقم: 383 628 70

36. Iris Domain، بحمدون

عبالكن قعدة رومانسية جنب النار مع كاس نبيد محلي؟ هالمحل هو مقصدكن هالشتوية!

الرقم: 623 727 03

خبرونا، أي مطعم شتوي مع قعدة جنب النار رح تجربوا بلبنان؟