هالمحل عمل كوكيز الكستنا…حتى بيّك رح ينغرم فيها!

الشتوية وصلت، وهيدا يعني إنو كل بيّ لبناني بلّش يرجع عالبيت ومعو كستنا للشوي ع الصوبيا. محل الحلويات المحبوب Better From Scratch نزلوا أطيب شي ممكن يخطر عبالكن تدوقوا هالشتوية: كوكيز الكستنا.

يعني هني عملوا من أطيب سناك شتوي حلو دافي وبيشهي. هالصنف الجديد عبارة عن كوكيز ع الطريقة الأميركية، يعني مزيج مثالي من قطع كستنا مع شوكولا بتدوب بالتم.

هيدا يمكن الكوكيز الوحيد اللي رح يحبوا بيك اللبناني.

مش بس هيك، عاملين بوكس كوكيز فيه أطيب نكهات الشتوية: كوكيز ع رولز بالقرفة، الكستنا، وهوت شوكولا، وكوكيز السحلب مع الكعك، كمان التفاح، وحتى كوكيز مايبل وافل… بوكس شتوي دافي ع الآخر.

هالحلويات الطيبة مش شي جديد ع Better From Scratch. عملوا من قبل بوكس كوكيز الطفولة من نكهات متل السيريلاك، الطربوش، توتي فروتي، حلاوة، وغيرو. اكبسوا هون لتتعرفوا أكتر.

بتجرّبوا الكستنا كوكيز تبعهن؟ إذا بتحبوا تشوفوا مزيد من الابتكارات، تأكدوا أنكن تتابعوا Better From Scratch على إنستغرام!

شوفوا كمان:

أول تطبيق دليفيري بالجنوب…أكل النبطية لعندك بكبسة!