بعمر الـ75، عمّو عادل بيعمل أطيب أطباق يومية من بيته!

لبنان مليان ناس عندها حبّ وشغف للحياة حتى ع كبر. في ناس بتفتح مشاريع صغيرة، في ناس بتخبز للجيران، وفي ناس متل عمّو عادل، الشيف ورا مطبخ العم عادل، يلي حوّل مطبخ بيته لمصدر رزق.

بعمر 75، وبعد أكتر من 60 سنة خبرة بالمطاعم، عمّو عادل ما عاد لاقى شغل، فقرر يكفي عم يعمل الشي يلي بيحبو: الطبخ. اليوم، بيحضّر وجبات منزلية كريمة من مطبخ بيته.

عمّو عادل مش عم يخترع أكلات جديدة ولا عم يلحق ترندات الأكل. كل اللي بدّو ياه يقدّم طبخ تقليدي بيشبه أكل البيت. من اختصاصاتو: مغربية، ورق عنب، كوسا، داوود باشا، وغيرها كتير أكلات بيتوتية منعرفها ومنحبّها.

كيف فيكن تدعموا مطبخ العم عادل

أحسن طريقة تدعمو عمو عادل فيها هي إنكن تشاركوا قصّته وتطلبوا من أكلو البيتي عبر الوتس أب على 335 780 03. تأكدوا تتابعوه على إنستغرام لتشوفوا الأطباق اليومية اللي بيقدمها.

شوفوا كمان:

أحلى سوق ببيروت فتح كافيه…السبت عند سوق الطيب صار غير!