صدمة شاب لبناني بالهند…مطعم زعتر وزيت صار هونيك؟

انتشر فيديو ع مواقع التواصل لشاب لبناني سافر ع الهند وانصدم لما لقى مطعم زعتر وزيت بمومباي! 

كتار من يلي شافوا الفيديو ما صدّقوا، أو تفاجئوا، أو حتى تركوا تعليقات مهضومة على الموضوع. هيدي كانت أبرز ردات الفعل:

الحقيقة إنو هيدا مش تقليد، وعنجد فرع أصلي للمطعم المشهور زعتر وزيت، وبلّش يشتغل بمومباي بالربع الأول من 2025.

القصة كلها بلشت لما شركة Zaatar w Zeit قررت تتوسّع عالمياً. ليه الهند بالتحديد؟ لأنو السوق كبير، وفي كتير عمّال هنود جرّبوا الأكل اللبناني بالمطاعم بالخليج، وكمان الشعب الهندي بطبعه بيحب يجرب نكهات جديدة.

من هون انولدت فكرة توقيع اتفاقية فرنشايز مع شركة هندية اسمها Passion Cuisine، وهيدي الشركة عندها خبرة كبيرة بعالم المطاعم وبتملك مطاعم بالهند وكمان بالإمارات.

زعتر وزيت معروف بالمناقيش، الرابس اللبنانية، والمقبلات الشهية، بس بعد إعادة تصميم الهوية سنة 2010 صار مطعم لبناني عصري، وزاد على المنيو سلطات، أكلات عالمية، وحتى وجبات سريعة.

الفكرة هون مش بس فتح فرع جديد، بس تقديم تجربة لبنانية أصيلة لعالم جديد، مع المحافظة على الجودة والأصالة. واليوم، فرع مومباي صار وجهة لكل محبي الأكل اللبناني بالهند.

خبرونا، إنتو كمان تفاجأتوا بمطعم زعتر وزيت Zaatar w Zeit بمومباي الهند؟

شوفوا كمان:

وين فيكن تدوقوا الأكل الهندي ببيروت؟