شو جديد بيروت؟ شوفوا معارض، نشاطات، ومحلات جديدة!
عم تسألوا شو جديد بيروت؟ هون جولة على آخر أخبار يلي صارت ببيروت، من افتتاحات جديدة لأحداث ونشاطات جاية ما لازم تفوّتوها.
أحداث ما بدكن تفوتوها ببيروت
1 . معرض الوظائف سنترو 2026 ب سنترو مول، الجناح
المعرض رح ينعمل ب سنترو مول نهار 24 و 25 كانون الثاني 2026، بيجمع شركات محلية وعالمية رائدة، جامعات ومنظمات كلن تحت سقف واحد.
2. مسرح Le Monnot عم يعرض “The Decorator”
إعصار بيحاصر مصممة وزبونتها بشقّة بمانهاتن، وبيجبرهن يواجهوا اختلاف معتقداتهن ويكتشفوا نقاط تلاقي غير متوقّعة. هالمسرحية بالإنكليزي رح تنعرض لحد 25 كانون الثاني 2026.
3. حفلة برانش “قهوة مارتيني” عند توتا، مار مخايل
4. بوفيه غدا عند لو سوشي بار، مينا الحصن
5. تذوق النبيذ بLevain Wine Bar، المونو
كل نهار تلاتا، هالبار بيعزمكن على جلسة تذوق نبيذ بيجمع أنواع معتّقة ونادرة. محبين النبيذ رح يكتشفوا قناني مميزة ويعرفوا قصصها، ويقضوا سهرة حميمية مع الأصحاب.
محلات فتحت جديد، تعرفوا عليها:
6. كافيه السوق ، سوق الطيب ع جسر الواطي
بعد ما نقلوا ع محل جديد ع جسر الوطي، سوق الطيب فتحوا كافيه خاص فيهن بالسوق. بيفتح كل سبت من الساعة 9 الصبح للساعة 4 بعد الضهر.
7. Kiki’s، الأشرفية
فتحوا بيسترو جديد بالأشرفية بمحل The High Llama السابق، هالمحل بيقدملكن منيو غني بالأكل الصحي ليرضى شهيتكن على الترويقة والغدا والعشا.
8. شاورما بيروت، الجميزة
لكل يلي غرامن الشاورما، لازم تزوروا الجميزة وتجربوا هالمحل الجديد، جاية من الدامور ع بيروت! هدفن يقدموا شاورما ع أصولها ومتل ما بتحبوها.
وأخبار صارت بلبنان يمكن فاتتكن!
9. النقل المشترك بلبنان صار متوفر ع خرائط غوغل!
خطوط باصات النقل المشترك والجداول صارت مدموجة بخيار المواصلات ع خرائط غوغل، هيك فيكن تخططوا رحلاتكن متل ما بتعملوا بأي مدينة كبيرة حول العالم.
10. تطبيق “اشتري هلق وادفّع بعدين” جاي على لبنان هالشهر
SlideIt هو تطبيق جديد رح يوصل ع لبنان بشباط 2026، وبيقدملكن خيار إنكن تتسوقوا وتدفعوا بالتقسيط على مدة من الوقت. فيكن تقروا كل شي بالتفصيل هون.
الأكثر قراءة هالشهر
