أجمل دار ضيافة بالجنوب فتح بيت الفن!

دار زفتا، أجمل بيت ضيافة بجنوب لبنان، عم يفتح عالم جديد من الفن والإبداع! هالبيت التراثي العريق، اللي عمره أكتر من قرن،  صار اليوم مش بس وجهة للراحة والاستجمام! بس كمان مساحة ثقافية بتجمع الناس والفن والثقافة مع بعض.

بيت الفن، من الجنوب لكل لبنان!

الخبر الأجمل هالمرة هو افتتاح بيت الفن – Zefta Arthouse، مساحة مخصّصة لدعم الأصوات الفنية المحلية وجمع الناس حول الفن والإبداع الجنوبي. المحل بتلاقوا قريب من دار زفتا بيت الضيافة.

الافتتاح رح يكون خلال معرض جماعي بيضم أعمال 24 فنان وفنانة من جنوب لبنان: محمد العبدالله، يوسف عون، هدى بعلبكي، عبد الحميد بعلبكي، أسامة بعلبكي، فتات بحمد، كوثر بلوق، نور بلوق، درويش شمعة، علي شمس الدين، دافيد داود، علي الحسيني، حلا حلواني، سكينة حويلا، حسين حسين، رولا الحسين، صافي جوني، مي جعفر، عادل قديح، زاهد قبيسي، عباس مكي، ريما منصور، أمل مطر، وداني طنوس. فيكن تتعرفوا ع أعمالن أكتر هون.

هالمبادرة هدفها تشجيع المبدعين على عرض أعمالهن، ولتخلق جو ثقافي بيجمع الكل وبيعرّف العالم على الإبداع اللبناني من قلب الجنوب.

شوي عن دار زفتا:

دار زفتا تأسس سنة 1911، حافظ ع هويته التراثية بكل تفاصيله: حجر قديم، قناطر عالية، شبابيك خشب، وتراسات بتطل على بساتين الزيتون. بعد ترميمه على يد الحفيد بهجت الدرويش، صار اليوم بيت ضيافة مليان دفا وروح لبنانية. فيكن تشوفوا زيارتنا لدار زفتا هون: 

الدار مفتوحة لكل الناس لتجارب مختلفة: من بيت الفن والمعارض يلي بقلبو، لجلسات تصوير، ورش عمل ثقافية وفنية، مناسبات خاصة، وبوفيهات أكل جنوبي أصيل. كل زاوية بالبيت بتحسسك بالتراث والكرم اللبناني.

الافتتاح الرسمي رح يكون يوم السبت 31 كانون التاني، الساعة ١١ الصبح، والدعوة مفتوحة لكل محبي الفن والثقافة والجنوب.

 دار زفتا عم تثبت إنو التراث والابتكار ممكن يمشوا سوا، وإنو الجنوب اللبناني عنده كتير ليقدّمو من جمال وفن وكرم ضيافة.

ما تنسوا تابعوهن ع انستغرام هون. لتزوروا المحل، اتصلوا على 151 895 81.

خبرونا بالتعليقات، حبيتوا هيك مبادرة بجنوب لبنان؟

شوفوا كمان:

أحلى سوق ببيروت فتح كافيه…السبت عند سوق الطيب صار غير!