3 مطاعم لبنانية بأفضل 50 مطعم بالشرق الأوسط وشمال أفريقيا
نشر موقع The World’s 50 Best Restaurants العالمي التقييم السنوي لأفضل 50 مطعم بالشرق الأوسط وشمال أفريقيا 2026، وهالسنة، مطعم Khufu’s بالقاهرة أخد المركز الأول، وكمان الليستا ضمّت 3 مطاعم لبنانية، واحد منهن فاز بجائزة أفضل دخول جديد 2026!
أعلى مطعم لبناني ترتيباً هالسنة كان Beihouse بالمركز الخامس، ووصفه المقيّمين:
“…صورة مصغرة عن بيروت” و “خليّة لبنانية نشطة أصيلة ومعاصرة، بتجمع بين الثقافة والمطبخ والمجتمع ضمن مساحات مصممة بعناية.”
القيّمين على الليستا نصحوا بتجربة فوا غرا بارفيه وبط بورق العنب. Beihouse كمان حاز على جائزة أعلى دخول جديد هالسنة!
إم شريف جاية بالمرتبة #13:
“كتجربة لبنانية أصيلة، Em Sherif بيقدّم للزباين طعم الطبخ اللبناني التقليدي بمكان فاخر يخليك تحس كأنك عم تاكل بمطبخ الشيف نفسه.”
من الأطباق يلي بينصحوا فيها: كبة نية ومهلبية.
Buco بالمركز 39:
“…مزيج بين ‘برغر’ و‘كوكتيلات’، وفلسفته تقديم الأكل المريح بس بطريقة ممتازة. بار معاصر بيرفع من مستوى البرغر مع مكونات فاخرة وحشوات مبتكرة.”
الأطباق المميزة: تشيز برغر كلاسيكي و واغيو برغر.
جربتوا شي من هالمطاعم قبل؟ إذا لأ، اعتبروا هيدي إشارة إنو تروحوا!
