الإمارات رح تفتح مركز فيزا إلكترونية ببيروت، هون التفاصيل
الإمارات حتفتح أول مركز خدمة شاملة لإصدار فيزا إلكترونية E-Visa ببيروت خلال الأسابيع الجاية لتسهيل وتبسيط عملية التقديم على التأشيرات بلبنان.
بحسب اللواء سهيل سعيد الخييلي، المدير العام للهيئة الاتحادية للهوية والجنسية والجمارك وأمن المنافذ بالإمارات، صار فيكن هلق تخلّصوا كل إجراءات الفيزا بدون ما تحتاجوا لوسطاء.
المركز رح يقدّم مجموعة كاملة من الخدمات. من ضمنها فيزا زيارات ودراسة وطبابة وشغل، وكمان تصديق المستندات الرسمية متل الجوازات والشهادات الطبية وشهادات حسن السيرة والسلوك.
المتقدمين بطلبات للحصول على فيزا العمل رح يخضعوا لإجراءات بيومترية كمان. بتتضمن أخذ البصمات، وبصمة العين، والتعرف على الوجه، بالإضافة لمقابلات شخصية، وكل هالإجراءات مندمجة مع منصة E-Visa بالإمارات.
لمزيد من المحتوى متل هيدا، تأكدوا إنكن تشيّكوا #الأخبار على موقعنا.
