ترند السوشي العالمي وصل لبنان… 3 محلات عم يعملوها!
عشّاق السوشي بلبنان أكيد محمسين على الـ push pop sushi يلي صارت ترند ع السوشيال ميديا. الترند بلّش لما Suka Sushi بنيويورك نزل علبة سوشي مدورة بتنكبس من تحت لتطلع السوشي لفوق، وإذا كنتوا بدكن تجرّبوه (من دون ما تصرفوا كم ألف دولار لتسافروا ع أميركا)، هون 3 محلات بلبنان نزّلت نسختن الخاصة من ترند السوشي.
وإذا بعدكن ضايعين شوي، هيك شكل ترند الـ push pop sushi:
1. Sushi Bell، الحمرا وبعقلين وعاليه
يلي ما بيعرف، Sushi Bell من المطاعم المحبوبة بالسوشي بلبنان، بلّش من بعقلين وتوسّع للحمرا وعاليه. مشهور بالجودة العالية، السوشي الطازة، والنضافة. ومؤخرًا نزّلوا ترند السوشي وتجربته عندن بتستاهل. الفكرة هي علبة مدورة فيها طبقات سوشي، بتكبّسوا من تحت لتطلع القطعة وتاكلوها. بس انتبهوا، الكمية محدودة!
الرقم: الحمرا 388 223 70 – بعقلين 924 489 71 – عاليه 031 831 81
2. Sushi Lover’s Express، الحمرا والشويفات
Sushi Lover’s Express هو محل سوشي محبوب وعندو فروع بالحمرا وبالشويفات. بعد ما صار الـ push pop sushi ترند، ما تأخّروا وجابوه ع لبنان. بتختاروا عندن العلبة تكون بين الكراب، القريدس، أو السلمون. وبيجي معه علبة تانية فيها صويا صوص بتسكّبوه فوق السوشي. مش بس هيك، كمان رح يفتحوا فرع جديد قريباً ببيروت!
الرقم: الشويفات 962 222 70 – الحمرا 962 222 81
3. Sushi holic، فروع كافة
ترند السوشي وصل ع محل Sushi Holic وناطركن لتجربوه عندن! طريقة جديدة وطيبة لتدوقوا السوشي ع الطريق إذا ما عندكن وقت، أو خطر عبالكن وبدكن شي ع السريع. المحل معروف بالجودة والسوشي الطيب!
الرقم: ضبية 402 040 71 – غزير 000 399 71 – بالونة 000 347 71 – جونية 384 184 70 – الحازمية 000 399 70
خبرونا، رح تجربوا ترند السوشي push pop sushi؟
