أهضم أنواع العشاق ع عيد الحب بلبنان

بعيد الحب منشوف أشكال وألوان مكتسحة شوارع لبنان. أشيا مهضومة، أشيا غريبة، عالم عايشة الجو للآخر… خلّونا نضحك شوي ونشوف أنواع العشاق اللي منشوفن كل سنة ع عيد الحب بلبنان.

1. اللي بيتخانق قبل الفالنتاين

13 شباط: Block

15 شباط: Unblock

يعني آخدين فرصة وراجعين بعد شوي.

2. العشاق تبع آخر لحظة

بيتذكّروا 14 شباط نهارها الساعة 6 المسا… وبيركضوا ع أقرب محل ورد

3. عشّاق العشا الفخم

حاجز بمطرح تقيل من شهر، بوكيه ورد جاهز، وفاتورة بتخلّي القلب يدق أسرع من الرومانسية

4. صاحب القلب الكبير

مش ملحّق ع رسايل الفالنتاين… سميرة، منيرة، فريدة — “Happy Valentine” للكل.

5. يلي لا معلّق ولا مطلّق يعني الـ Situationship

“نحتفل؟ ما نحتفل؟ شو نحنا؟” جواب معلّق متل علاقتن

6. العشاق السرّيين

“مين باعِتلك هالورد؟”

“ولا حدا… رفيقتي.”

7. عشّاق الـ Instagram

مفكرين حالن إنفلوونسر. أهم شي الصورة تطلع أحلى من العلاقة نفسها. والضربة القاضية فيديو مع أغنية عمرو دياب. #CoupleGoals يا جماعة!

8. أول Valentine سوا

ضايع بين “شو بجيب؟ وين منروح؟ كيف لازم يكون البوكيه؟”

9. العشّاق الاقتصاديين

“الحب مش بالمصاري”… وعم يقنعها إنو في قصص أهم:
“بتعرفي بهالمصاري فينا نبلّط أرض الحمّام لبيتنا المستقبلي؟”

10. عشّاق الشوكولا

العلاقة كلها ماشية ع Ferrero و Patchi

11. العشّاق اللي كل يوم عندن Valentine

ما فارقة معهن التاريخ… بس أكيد رح يستفيدوا من العروض

12.  الرفقة اللي حولوا العيد لسهرة

“إي ما أصلن عيد الحب كمان للأصحاب”… وخلص الموضوع.

13. السينغل اللي عامل حالو مش فارقة معه

“أصلاً هالعيد تجاري”

خبرونا، وانتو أي نوع من العشاق بلبنان؟