12% TVA وضرائب جديدة عالبنزين: شو أقرّت الحكومة اللبنانية؟
وافقت الحكومة اللبنانية على اقتراح رفع الضريبة على القيمة المضافة (TVA) من 11% لـ12%. هالزيادة بنسبة 1% إجت ضمن مجموعة إجراءات مالية هدفها تأمّن حوالي 200 مليون دولار سنويًا لتمويل زيادات رواتب القطاع العام.
الحكومة ناوية تعطي 6 أشهر من رواتب إضافية للموظفين والمتقاعدين بالقطاع العام، بخطوة بتقول إنو هدفها تخفّف عنّن بعد سنين من الأزمة. بس هالدعم إلو كلفة، ورح يتحمّلها كالعادة المواطن اللبناني العادي، اللي أساسًا عم يرزح تحت ضغط التضخّم الإقتصادي. التغييرات الجاية هي:
1. زيادة الـTVA: ناطر التصديق النهائي من مجلس النواب.
2. أسعار البنزين: زيادة فورية 300,000 ليرة لبنانية على صفيحة البنزين 20 ليتر.
3. الشحن: رسوم جديدة (بين 50 و80 دولار) لزيادة إيرادات الخزينة.
عبر The Lawyard على إنستغرام
بعد ما أعطى مجلس الوزراء الموافقة، الزيادة بالـ TVA وحزمة الرواتب الكاملة بعدن بيعتمدوا على التصويت النهائي بالبرلمان. بس يقرّوا الزيادة، رح يطبق السعر الجديد 12% على معظم السلع والخدمات بالبلد.
لتتعرفوا على الأخبار الجديدة، تأكدوا إنو تسوفوا قسم #الأخبار على موقعنا.
