خوري عامل ضجة: لبن يوناني بنكهة التمر هالشهر!
شركة خوري Khoury رجعت فاجأت السوق اللبناني، وهالمرّة بمنتج رمضاني بامتياز: لبن يوناني بنكهة التمر! نكهة ما بتلاقوها وين ما كان ومخصصة لرمضان، لتكون إضافة جديدة ومميّزة على سفرتكن هالشهر.
المزيج بين اللبن اليوناني والتمر بيعطي توازن مثالي بين الطعم الحلو الطبيعي والقيمة الغذائية العالية. العلبة بتجي بالحجم المعروف مع 13 غ بروتين، ومعها قطع تمر فوق، ليكون الطعم طبيعي وغني أكتر. ومن أوّل نظرة، واضح إنو المنتج معمول ليواكب أجواء الشهر الكريم، خاصة إنو التمر عنصر أساسي على كل سفرة رمضانية.
بعد الضجّة يلي عملها اللبن اليوناني من خوري السنة الماضية، والمنافسة الحلوة بالسوق خصوصًا مع تعنايل، الشركة زادت خيار قوي وذكي. خوري دخلت بقوّة، وقدّمت منتج محلّي بنسبة بروتين عالية وسعر منافس، مع تفاصيل عملية بتسهّل الاستهلاك.
الخيار بلا نكهة متوفّر عادي أو بدون لاكتوز، وفيه 15 غ بروتين بلا دسم بكل كباية. أما النكهات متل الفريز، التوت، والدراق، فيهن 12 غ بروتين بلا دسم، واللبن مخلوط خالص مع النكهة مش مفصول. كل علبة بيجي معها ملعقة جوّا، لتكون مناسبة تاخدوها معكن عالشغل أو الجامعة.
أما نكهة التمر الجديدة، فمرشّحة تكون نجمة رمضان هالسنة. سناك خفيف، صحي، عالي بالبروتين، وبيعطي طاقة لفترة أطول، مثالي لبعد الإفطار أو لسحور متوازن. واضح إنو خوري عم يلعبها صح، ومنتج متل هيدا عندو كل المقوّمات ليكسر الدني بهالشهر.
خبرونا، جربتوا منتج خوري الجديد أو بعد؟
