فرن بالجميزة عم يعمل نكهات جديدة من اللحم بعجين

فتح فرن جديد بالجميزة اسمو Ovi Ajeen … وصدقونا مش فرن عادي أبداً! لأول مرة منشوف محل متخصص باللحم بعجين هلقد عندو نكهات وأفكار غير تقليدية.

إذا فكركن إنو اللحم بعجين بس لحمة وبندورة وبهارات، حضّروا حالكن تغيّروا رأيكن. بـ Ovi Ajeen، هالأكلة التقليدية أخدوها ع مستوى تاني.

تخايلوا لحم بعجين مع ترافل وبارميزان، أو مع بيض فرّي على الوش. بدكن شي أقوى؟ في ميكسيكن ستايل مع جبنة تشيدر وهالبينو، خيارات حرّة مع شوريزو وبيبروني، وحتى نسخة فاخرة مدخّنة على واغيو!

والنباتيين ما نسيوهن، في لحم بعجين بجبنة التوفو. وحتى تركيبة مع بابا غنوج ورمان بتعطي طعمة حامضة ومقرمشة.

حتى اللبن عندن قصة! في لبن عادي ولبن بلا لاكتوز جايي من ضيعة حراجل، وفيكن تختاروا نكهات منعشة متل زيتون أخضر أو نعناع.

والأحلى؟ كمان انتو بتنقوا نوع العجينة: عادية، سمرا، أو مع ألياف للي بدّن خيار أخف. الفكرة واضحة: اللحم بعجين ما بقى أكلة تقليدية وبس… صارت تجربة.

ورا هالمشروع الشيف شادي، بخبرة أكتر من 20 سنة، وهالشي بيبين من أول لقمة. توازن نكهات، عجينة مقرمشة، وتقديم مميز.

إذا بعد ما جربتوا، يمكن صار الوقت تعطوا اللحم بعجين فرصة جديدة… بس هالمرة على طريقة Ovi Ajeen بالجميزة.

📍العنوان:

الجميزة، شارع غورو جنب Swiss Butter. اكبسوا هون لتعرفوا وين بالزبط. 

📞 للتواصل:

الرقم: 079 179 81

ما تنسوا تابعوا ع انستغرام هون للمزيد.

شوفوا كمان:

خوري عامل ضجة: لبن يوناني بنكهة التمر هالشهر!