زيت الزيتون الجنوبي يلمع عالمياً… 3 ميداليات ذهبية ورجعة عالسوق!
الجنوب عم يثبت من جديد إنو زيت الزيتون اللبناني من النخبة بالعالم! العلامة اللبنانية Darmmess ربحت للمرة التانية ميداليتين ذهبيتين بمسابقة NYIOOC World Olive Oil Competition بنيويورك، أشهر مسابقة زيت زيتون بالعالم، وما وقفت هون، كمان حصدت ميدالية ذهبية بمسابقة Olio Nuovo Days Competition بأبوظبي!
درّماسّ انطلقت سنة 2019 كمشروع بضيعة دير ميماس بالجنوب، واليوم عم تثبت إنو زيت الزيتون اللبناني قادر ينافس العالم. بعيد عن الجوائز، درّماسّ بتدعم المزارعين المحليين وبتعكس التراث والحرفية اللبنانية بكل نقطة زيت.
شو ميزات زيت الزيتون درّماسّ الجنوبي؟
حسب موقع درّماسّ وتصنيف مسابقة NYIOOC World Olive Oil Competition، هيدي أبرز مواصفات هيدا الزيت:
– زيت بكر ممتاز، غني بالبوليفينول ومضادات الأكسدة، وفوائده الصحية كبيرة.
– زيتون حصاد مبكر مقطوف باليد، ومعصور على البارد بأفضل نقطة نضوج.
– الطعم متوازن ومعقد، بين المرارة الخفيفة والحدة والنكهات الفاكهية اللي بتختلف حسب الأرض.
– نوعه Souri أحادي الصنف، فاخر وعريق ببلاد الشام وخاصةً بالجنوب اللبناني، مناسب لكل الأطباق من السلطات للطبخ.
سواء على سلطة طازة، خبز دافي، أو أطباق فاخرة، Darmmess بتحوّل كل لقمة لتجربة متوسطية أصيلة.
وأحلى خبر؟ رجعوا للسوق اللبناني! بعد كل اللي مرق على جنوب لبنان من حرب وعدم استقرار، Darmmess مش بس زيت زيتون…هو رسالة أمل. 3 جوائز عالمية بهيك ظروف دليل إنو الروح اللبنانية ما بتنكسَر، وإنو الجنوب بعدو بينتج ذهب! ✨🫒
ما تنسوا تابعوهن ع انستغرام هون للتفاصيل. خبرونا، بتحبوا زيت الزيتون الجنوبي؟
