مطعم جنوبي محبوب فتح فرع جديد ببيروت!
بهالفترة الصعبة اللي عم نمرق فيها بلبنان، صار لازم ندعم بعض وخاصةً أهل الجنوب أكتر من أي وقت. ومن الأخبار الحلوة اللي بتعطي شوية أمل، إنو مطعم Zaher’s Diner الجنوبي فتح فرع جديد بقلب بيروت، وتحديداً بشارع بلس، قريب من الجامعة الأميركية.
هالمحل اللي أخد شهرة كبيرة بمدينة صور صار اليوم أقرب لعشّاق السناكات ببيروت. زاهر داينر معروف بأكلاته الطيبة واللي ما فيكن تقاوموا طعمتها، خصوصاً لمحبي الدجاج بكل أنواعه.
فرعه الأول ببيروت إجا بعد ما تضرر المطعم بصور بشكل كبير خلال الحرب السابقة، ولهيك وجوده اليوم بيذكّرنا أديه أهل الجنوب عندن إرادة قوية ليكفّوا ويكملوا شغلن رغم كل الظروف. دعم هالمشاريع المحلية هو أقل شي ممكن نعمله.
من أشهر الوجبات عندن دجاج الكرسبي اللي بيجي مقرمش بطريقة مميزة. وكمان في التويستر اللذيذ، والزينغر برغر اللي بيجمع بين القرمشة والطعم الغني بكل كدشة. هيدي الوجبات صارت من المفضلة عند كتير عالم، وهلق صار فيكن تستمتعوا فيها ببيروت.
كمان من السندويشات اللي لازم تجربوها الطاووق، الفاهيتا مع الجبنة الدايبة، والاسكالوب اللي طعمتو ولا أطيب. هيدا عدا عن أطباق الباستا والبيترا يلي بتشهي يلي بيعملها. كل هالأكلات كانت سبب شهرة المطعم بصور!
إذا كنتوا ع بلس، سواء بريك جامعة أو بريك شغل، فيكن تمرقوا لعند Zaher’s Diner وتستمتعوا بوجبة سريعة، طيبة، وبأسعار مناسبة. والأكيد إنو التجربة رح تخلّيكن ترجعوا مية مرة.
تابعوهن ع انستغرام هون. للمزيد من المعلومات، تواصلوا على الرقم: 106 510 71.
