رغم الحرب…حجة نازحة عم تدور على عريس بعمر 78!
وسط كل قصص النزوح الصعبة، في سيدة لبنانية عم تخطف قلوب الناس عالسوشيال ميديا بطريقة غير متوقعة. عمرها هلّق 78 سنة ومهجّرة من بيتها، ومع هيك، انتشر الفيديو بسرعة بعد ما صرّحت بكل عفوية إنها بعدها عم تدوّر على عريس!
بحوار مع مراسلة الجديد جاسينت عنتر، حكيت السيدة إنها نزحت من بلدتها الغندورية وهلّق قاعدة بالببيسارية. مع كل الصعوبات، بعدها البسمة ع وجها. ولما سألوها عن عمرها، قالت بفخر 78 سنة وإنو بعدها صغيرة. حضّروا الفيديو هون:
ولما المراسلة مزحت معها وسألتها إذا عم تدوّر على عريس، ردّت إنها ما عندها مانع، بشرط يكون “ماكن”.
أسلوبها المرح وردودها السريعة حولوا المقابلة للحظة خفيفة وبتخلي أي حدا يبتسم. هون أهضم التعليقات:
وبالنسبة للكتار، هاللقطة كانت تذكير بسيط وجميل إنه حتى بأصعب الظروف، دايمًا فينا نلاقي سبب للفرحة.
لدعم المهاجرين خلال هالأوقات الصعبة، جمعنا أكتر من 25 مبادرة عم تجمع تبرعات لتأمين الأكل، المأوى، واللوازم الأساسية. واللي بحبوا يساهموا بالتطوع، في هون فرص لتطوع.
