دعم نفسي مجاني خلال الحرب…تعرفوا ع هالخدمة!
مع استمرار الحرب وحالة عدم الاستقرار، المنصة الرقمية الجديدة Elggo عم تدخل لتتعامل مع أزمة خفية: الصحة النفسية. الشركة أطلقت Elggo Relief Hub، منصة أونلاين مجانية بتقدّم دعم نفسي للشباب، الأهالي، والعيل، وهلق صارت متاحة بلبنان وبعض الدول.
مصممة للواقع اللي الناس عايشينه
المنصة أسستها لوما مكاري و ميرنا منيمنة، وهدفها مواجهة الضغط النفسي اللي كتير من الناس عم يعانوا منه بسبب الأزمة المستمرة. بدل النصائح العامة، المنصة مصممة لتقدّم دعم فعلي يناسب الطريقة اللي الناس بالمنطقة بتتواصل فيها.
المنصة فيها مفكرة يوميات مدعومة بالذكاء الاصطناعي. الأداة بتسمح يكتبوا عن اللي عم يعيشوه بشكل خاص، سواء بالعربي، بالإنكليزي، أو خليط من الاثنين. حسب المنصة، ميزة الكتابة بالمفكرة معمولة لتساعد المستخدمين على التفكير ومعالجة المشاعر، ومش المقصود منها تكون بديل عن الرعاية النفسية.
دليل موارد الدعم المحلية
ميزة مهمة تانية هي دليل خدمات الدعم الموثوقة لكل بلد. الدليل بيساعد المستخدمين يلاقوا بسرعة منظمات وموارد الصحة النفسية المتوفرة ببلدهن.
حالياً، المنصة بتخدم المستخدمين بـ:
– لبنان
– الإمارات
– السعودية
– قطر
– الكويت
– البحرين
– الأردن
– عمان
كل اللي عليك تعمله هو تحدد البلد اللي إنت فيه وبتلاقي كل خدمات الصحة النفسية المتوفرة، بما فيها الدعم النفسي، أخصائيين علم النفس للأطفال و/أو السريريين، دعم الأزمات، خطوط ساخنة، وأكتر.
بيعرفوا شو يعني الحرب!
قالت ميرنا منيمنة، الشريكة المؤسِّسة: “أنا تربّيت بلبنان. بعرف شو الحرب بتعمل بالناس”.
لاحظت إنو معظم الأدوات اللي بتساعد على الصحة النفسية اليوم مش مصممة لتناسب المجتمعات العربية. الشريكة المؤسسة لوما مكاري بتضيف، “عم نشوف مجال الصحة النفسية مليان بالنصايح العامة، كتير منها ما بتنفع”
الشريكتين المؤسّسات، Luma Makari (على الشمال) و Mirna Mneimneh (على اليمين).
الدليل تبعهن مجاني ومتاح للكل. فيكن تكبسوا هون لتتصفحو وتتعرفو على خدمات الصحة النفسية المحلية المتوفرة. لمزيد من المعلومات عن هالمبادرة، ما تنسو تتابعوهن على إنستغرام!
تفقدوا قسم #دعم_لبنان على موقعنا لمزيد من المعلومات.
