حلاق جنوبي عم يقدّم حلاقة ببلاش للولاد النازحين
مصطفى طباجة حلاق نسائي جنوبي من النبطية، عم يعمل خطوة كتير إنسانية ومؤثرة بهالفترة الصعبة. مع استمرار الحرب بالجنوب وتهجير كتير عيل، قرر مصطفى ينزل عالأرض ويساعد بطريقته الخاصة.
صار يزور المدارس الرسمية اللي عم تستقبل العيل النازحة، ويقدم حلاقة مجانية للولاد. يمكن بتشوفها شغلة صغيرة، بس بالنسبة إلن بتعني كتير. ولو لدقايق، بيرتاحوا نفسياً وبينسوا شوي من الخوف والتوتر اللي عايشين فيه.
مصطفى ما بيكتفي بقصّ الشعر بس، كمان بيجيب معه ألعاب صغيرة وبيوزعها ع الولاد، وبيخلق جو من الفرح والضحك. الفيديوهات اللي عم ينشرها على السوشيال ميديا بتفرجي أديه الولاد مبسوطين، وابتساماتن بتعبر عن كل شي.
بهالظروف الصعبة، مبادرات متل هيدي بتذكّرنا إنو بعد في إنسانية، وبعد في ناس مستعدة تعطي بدون مقابل. ومصطفى عم يرسم ابتسامة على وجوه الولاد، يمكن هني بأمسّ الحاجة لإلها.
لتساعدوا مصطفى، تواصلوا معو ع انستغرام هون.
